ዳባይ አየር ማረፊያ አለቃ ‘የክትባት ፖስፖርት’ ያላቸው ብቻ ይስተናገዱ እያሉ ነው

ዓለም አቀፍ ተጓዦችን በማስተናገድ ወደር የማይገኝለት አየር ማረፊያ ኃላፊ ኮቪድ ፓስፖርት ሰዎች በነፃነት እንዲጓዙ የሚያስችል አማራጭ ነውይላሉ።የዱባይ ኤርፖርትስ ኃላፊ ፖል ግሪፊዝ “ሌላ አማራጭ አለ ብዬ አላስብም” ሲሉ ለቢቢሲ ተናግረዋል።

የዚህ ሐሳብ ነቃፊዎች ግን ክትባት ማግኘት የማይችሉ ሰዎችን ከግምት ያላስገባ ነው ሲሉ ይተቻሉ።ነገር ግን አለቃው የተከተቡበትን ሰርቲፊኬት ይዘው ለሚመጡ ሰዎች ድጋፍ እንዳላቸውና ይህ ወደፊት ‘የማይቀር’ እንደሆነ ይናገራሉ።

“እኔ ችግሩ የክትባት ፖስፖርት እና መገለል ነው ብዬ አላስብም። ዋናው ችግር የክትባት ፕሮግራሞችን እንዴት እኩል ማሰራጨት ይቻላል የሚለው ነው” ባይ ናቸው። የዓለም ጤና ድርጅትና የዓለም ቱሪዝምና ጉዞ ካውንስል የክትባት ፓስፖርትን ከሚቃወሙ መካከል ናቸው።

ዓለም አቀፎቹ ድርጅቶች ይህ ሁኔታ ‘ሁለት ዓይነት ማሕበረሰብ’ ይፈጥራል ሲሉ ይከራከራሉ። ባፈለው ወር የዓለም ጤና ድርጅቱ ዶክተር ማይክ ራያን የክትባት ፓስርፖርት የሥነ ምግባርና የእኩልነት ጥያቄዎች የከበቡት ነው ይላሉ። “ይህንን ጉዳይ መልሰን ማጤን አለብን። በተለይ ደግሞ ክትባት እጅግ ባልተመጣጠነ መንገድ እየተሰራጨ ባለበት በአሁኑ ወቅት” ብለዋል ዶ/ር ማይክ።

ምጣኔ ሃብታዊ ቀውስ በኮሮናቫይረስ ወረርሽኝ የጀርባ አጥንቱ የተመታው የአቪዬሽን ኢንዱስትሪ ለማንሰራራት የተለያዩ መንገዶች እየተጠቀመ ነው።ኤር ትራንስፖርት አክሽን ግሩፕ የተሰኘው ተቋም እንደሚለው የአቪዬሽን ኢንዱስትሪው ከኮቢድ በፊት እስከ 3.5 ትሪሊየን ዶላር ለዓለም ምጣኔ ሃብት ያዋጣ ነበር።

ነገር ግን በረራዎች መታገዳቸውን ተከትሎ የዱባይ ኤርፖርትን ጨምሮ በርካታ አየር መንገዶች ተቀዛቅዘዋል።ቢሆንም የዱባይ ኤርፖርት አሁንም በርካታ ዓለም አቀፍ መንገደኞችን ያስተናግዳል።

የዱባይ አየር መንገድ በፈረንጆቹ 2014 ነው በርካታ ዓለም ዓቀፍ መንገደኞችን በማስተናገድ የአንደኝነት ደረጃውን ከለንደኑ ሂዝሮው የተረከበው። በ2019 ክብረ ወሰን በሆነ ቁጥር 86.3 ሚሊዮን መንገደኞችን ያስተናገደችው ዱባይ በኮሮናቫይረስ ምክንያት በ2020 ቁጥሩ ወርዶ 25.8 ደርሷል። ቢቢሲ

Leave a Reply

Your email address will not be published. Required fields are marked *

//chooxaur.com/4/4057774