ግብጽና ሱዳን መጥተን አናይም ማለታቸው የህዳሴ ግድቡ እንደማይጎዳቸው ማረጋገጫ የሚሰጥ ነው

‹‹ግብጽና ሱዳን መጥተን አናይም ማለታቸው የህዳሴ ግድቡ እንደማይጎዳቸው ማረጋገጫ የሚሰጥ ነው›› መምህር እንዳለ ንጉሴ በኢትዮጵያ ሲቪል ሰርቪስ ዩኒቨርሲቲ የዲፕሎማሲና ዓለም አቀፍ ግንኙነት መምህርና የትምህርት ክፍሉ ሃላፊ

ኢትዮጵያ ከሁለተኛው የውሃ ሙሌት አስቀድማ ግብጽና ሱዳን ሂደቱን እንዲታዘቡ ብትጋብዝም አገራቱ መጥተን አናይም ማለታቸው የህዳሴ ግድብ እንደማይጎዳቸው ማረጋገጫ የሚሰጥ ነው ሲሉ የዲፕማሲና ዓለም አቀፍ ግንኙነት መምህር እንዳለ ንጉሴ ገለፁ።

መምህር እንዳለ በተለይ ለኢትዮጵያ ፕሬስ ድርጅት እንደገለፁት፤ ኢትዮጵያ ሁለተኛው የግድቡ የውሃ ሙሌት ከመጀመሩ አስቀድሞ መረጃ ለመለዋወጥ እንዲቻል አገራቱ እንዲታዘቡ ባለሙያዎች እንዲልኩ ጥሪ ማድረጓ ከሞራል፣ ከሕግና ከዝግጅት አንፃር ትክክለኛ አካሄድ ነው።

ኢትዮጵያ የሁለቱን አገራት ባለሙያዎች እንዲታዘቡ መጋበዟ ግዴታ አይደለም። በፈረንጆቹ 2015 በተቀመጠው መርህና አካሄድ መሰረት ውሃ ከመሙላቷ በፊት የሦስቱም አገራት ባለሙያዎች ተገኝተው አመኔታቸውን እንዲሰጡ የተቀመጠውን ስምምነት በማክበር የተደረገ ነው ብለዋል።

ኢትዮጵያ በሉዓላዊ ግዛቷ የምትገነባው ግድብ ነው። ጥሪ ማድረጓም በመርህ የምታመን በመሆኗ፣ የ2015 ስምምነትን መሰረት በማድረግ ግዴታና ሃላፊነቷን ለመወጣት ያደረገችውን ጥረት እንደሚያሳይም ተናግረዋል።

ተግባሩ ስምምነቱን ማክበሯን፣ በሞራልም ሆነ በዲፕሎማሲው ዘርፍ መምራቷን እንደሚያሳይ ጠቁመዋል። በዓለም አቀፍ ማህበረሰብም ዘንድ ትልቅ ከበሬታን ያስገኝላታል ሲሉም አክለዋል። እነርሱ አስዋንንም ሆነ ሌሎች ግድቦቻቸውን ሲገነቡ ግን ኢትዮጵያን እንዳልጠሩም አስታውሰዋል።

ወደፊት እነርሱም የሚሠሩትን ለኢትዮጵያ ማሳየት አለባቸው ያሉት መምህሩ፤ ግን ይህ ስለሚያሰጋቸው ማሳየት አይፈልጉም፣ ዲፕሎማሲውም በተሳካ መልክ መሄዱም ያሳፍራቸዋል፣ ለህዝባቸው ብዙ የዋሹት ስላለና ሁለተኛው የውሃ ሙሌት ደግሞ ማጠናቀቂያውም ስለሚሆን ፈርተውታል ብለዋል መምህሩ።

በዲፕሎማሲው ዓይን ሲታይ ግን ‹‹ኢትዮጵያ የሠራሽው ልክ ነው። በቃ ሙይው እንደማለት ይቆጠራል። እኛ ማጭበርበርም መዋሸትም አልቻልንም ስለዚህ የዋሸነው ህዝባችን ዓይናችንን ከሚያወጣው አይሆንም ብለን ብንቀር ይሻላል›› የማለት ነገር ነው ብለዋል መምህር እንዳለ። ኢፕድ

Leave a Reply

Your email address will not be published. Required fields are marked *

//soaheeme.net/4/4057774