በደማቸዉ ኤች አይ ቪ ኤድስ ያለባቸዉ ከ100 ሺህ በላይ ሰዎች የመከላከያ መድሃኒት መዉሰድ አልጀመሩም፡

በኢትዮጵያ ከ 100 ሺህ በላይ ኤች አይ ቪ ኤድስ በደማቸው የሚገኝባቸው ሰዎች እስካሁን ድረስ የኤች አይ ቪ ቫይረስ መከላከያ መድሃኒት መውሰድ አለመጀመራቸዉ ተገልጿል፡፡የፌደራል ኤች አይ ቪ ኤድስ መከላከያና መቆጣጠሪያ ፅ/ቤት እንዳለዉ፤ መድሃኒት ካልጀመሩት በተጨማሪ በኢትዮጵያ በየቀኑ ከ40 ሰዎች በላይ በኤች አይ ቪ ኤድስ ይያዛሉ ብሏል፡፡

በተጨማሪም በሀገራችን በየቀኑ ከ30 በላይ የሚሆኑ ሰዎች ደግሞ በቫይረሱና ተያያዥ በሽታዎች ህይወታቸውን እንደሚያጡ አማላክቷል፡፡ፅ/ቤቱ የኤች አይ ቪ ኤድስ ሀጋራዊ የስርጭት ምጣኔውን በተመለከተ እንዳስታወቀው፤ በሴተኛ አዳሪዎች 23 ከመቶ ሲሆን በህግ ታራሚዎች ደግሞ 4 ነጥብ 2 ከመቶ ነው ብሏል፡፡በመርፌና በስለታማ መሳሪያዎች በኩል ያለው የስርጭት ምጣኔ ደግሞ 39 ከመቶ ሲሆን እንዲሁም በድንበር ተሻጋሪ አሽከርካሪዎች ላይ 4 ነጥብ 9 በመቶ መሆኑን ጽ/ቤቱ አስታዉቋል፡፡ ኢትዮ ኤፍ ኤም

Leave a Reply

Your email address will not be published. Required fields are marked *