Press "Enter" to skip to content

ብልጽግና ከምርጫ ክርክር መድረኮች እያፈገፈገ ነው

“ብልጥግና ከኢዜማ ጋር በሚድያ መከራከር የሚፈልገው የምርጫ ካርድ መውሰጃው ቀን ሲጠናቀቅ ይመስላል።” ይሄ የብልጥግና የምርጫ 2013 ስትራቴጂ በተወሰነ ደረጃ ይጠቅማቸዋል ብዬ አስባለው። የተፎካካሪን ጠንካራ አቅም ጥቅም ላይ እንዳይውል ማድረግ መቻል ለዴሞክራሲ ባህል ግንባታ እና ለገር ባይጠቅምም ፤ ብልጠት ነው። ብልጥግና እስካሁን ለ5 ጊዜ ያህል ሚዲያዎች ካዘጋጁት የፓርቲዎች የክርክር መድረክ የተለያየ ሰበብ እየሰጠ ሸሽቷል።

እንደሚታወቀው ኢዜማ የኢትዮጵያን ነበራዊ ሁኔታ በቅጡ በተረዱ እና ተጨባጭ መፍትሄ ባላቸው ምሁራን የተገነባ እንዲሁም በመላው ሀገሪቱ መሬት የረገጠ ጠንካራ አደረጃጀት እና በቂ ቅድመ ዝግጅት ካደረጉ ፓርቲዎች መሃል በግንባር ቀደምትነት የሚጠቀስ ነው። ይህም በምርጫ ክርክር ወቅት በሀሳብ የበላይነት ከገዢው ፓርቲ በላይ የሰውን ቀልብ የመያዝ አቅም ለኢዜማ ይሰጠዋል።

ብልፅግና ከኢዜማ ጋር አሁን ክርክር ቢገጥሙ ራሳቸው ላይ እሳት እንደማንደድ የቆጠሩት ይመስላል። ምክንያቱም የምርጫ ክርክሩን ሲሰማ ህዝቡ የመምረጥ ፍላጎቱ እና ተስፋው ስለሚጨምር አብዛኛው ኢትዮጵያዊ የምርጫ ካርዱን ወስዶ ለመምረጥ በጉጉት ይጠብቃል። የ’ብልጥ’ግና ስሌት ያለው እዚህ ጋር ነው። ብልፅግና እንደ ገዢ ፓርቲ በመንግስት ቢሮክራሲ ስር ያሉትን በጠቅላላ በአንድ ትእዛዝ እስከነ ቤተሰባቸው ለምርጫ ያዘጋጃል የመራጭ ምዝገባ ከተጠናቀቀ በኋላ ወደክርክሩ ይመጣል። እግረ መንገድ የኢዜማን የምርጫ ዝግጅት ፣ አሰላለፍና ፖሊሲ ለመሰለል እንዲሁም ቀለሃ ለማስጨረስም ሊጠቀሙበት አስበው ይሆናል።

ሰው ክርክሩን አይቶ በምርጫ ሊቀጣው ቢፈልግ እንኳ እጁ ላይ ካርድ ስለማይኖረው ከመቆጨት ውጪ ምንም ነገር አያመጣም። በመሆኑም መላው ኢትዮጵያዊ በተለይም የኢዜማ አባላትና ደጋፊዎች የምርጫ ካርድ ህዝብ እንዲ ወስድ መቀስቀሱን አጠናክሮ ሊቀጥል ይገባል።

በተጨማሪም ኢዜማም የብልጥግናን የምርጫ ስትራቴጂ ያገናዘበ አካሄድ ሊከተል እና ቢቻል የመራጮች ምዝገባው እየተካሄደ ክርክር መደረግ የሚችልበትን ሁኔታ መፍጠር ካልሆነም ሁኔታውን ያገናዘበ እና መራጮች በነቂስ ካርድ መውሰድ ማድረግ የሚያስችሉ ስልቶችን ሊከተል ይገባል። ምርጫ ቦርድ፣ ነፃ ሚዲያዎች፣ ሲቪክ ማህበራት እና በኢትዮጵያ በሀሳብ የበላይነት ላይ የተቃኘ እውነተኛ ዴሞክራሲያዊ ስርአት እንዲገነባ የሚፈልግ ሁሉ ሚናውን በአግባቡ እንዲወጣ ማስገንዘብ ይገባል። በፓርቲዎች መካከል የሚደረግ ሰላማዊ የሀሳብ ክርክር ዜጎች በምርጫ የሚኖራቸውን ተሳትፎ እና ምዝገባ (turnout) ይጨምራል። ሁላችንም የቅርብ ሰዎቻችንን ካርድ እንዲወስዱ በማድረግ የዜግነት ሀላፊነታችንን እንወጣ ንቁ ዜጎች ይመርጣሉ ለመምረጥ ቀድመው ይመዘገባሉ!! (ቤላ ዳንኤል

Be First to Comment

Leave a Reply

Your email address will not be published. Required fields are marked *

//daichoho.com/4/4057774