Press "Enter" to skip to content

ጠ/ሚ አብይ ኢትዮጵያን ለመበታተን በሚሰሩ ሽፍቶች ላይ ጥብቅ እርምጃ እየተወሰደ ነው አሉ

በንፁሃን ዜጎች ላይ ጥቃት በማድረስ ኢትዮጵያን ለመበታተን በሚሰሩ ተላላኪ ሽፍቶች ላይ የተጠናከረ እርምጃ እየተወሰደ መሆኑን ጠቅላይ ሚኒስትር ዶክተር አብይ አህመድ ተናገሩ።
ጠቅላይ ሚኒስትሩ ይህንን ያሉት በእንጦጦ ኦብዘርቫቶሪ ምርምር ማእከል ደመናን ወደ ዝናብ የመቀየር ቴክኖሎጂን የማስተዋወቅ መርሃ ግብር ላይ ባደረጉት ንግግር ነው፡፡

ጠቅላይ ሚኒስተር አቢይ በንግግራቸው ወቅት በንፁሃን ዜጎች ላይ ጥቃት በማድረስ ኢትዮጵያን ለመበታተን ሌት ተቀን የሚሰሩ ተላላኪ ሽፍቶች መኖራቸውን ገልጸው “አፋቸውን የከፈቱ ጅቦች ትንንሽ አይጦችን በመላክ ኢትዮጵያን ለመዋጥ” እየጣሩ መሆኑን አመልክተዋል።

በንፁሃን ላይ ጥቃት የፈፀሙ ሽፍቶች ላይ ባለፉት ሶስት ቀናት የተጠናከረ እርምጃ በመወሰድ ላይ መሆኑን የገለጹት ጠቅላይ ሚኒስትሩ ይህ እኩይ አላማቸው እንደማይሳካም ተናግረዋል። ኢትዮጵያ በነበረችበት ጉስቁልና እና ድህነት እንድትጓዝ እየሰሩ የሚገኙ ተላላኪዎች እየሰሩ ቢሆንም ኢትዮጵያ ግዛታዊ አንድነቷ ተጠብቆ ከመበልፀግ የሚያስቆማት ሃይል የለም ብለዋል።

Be First to Comment

Leave a Reply

Your email address will not be published. Required fields are marked *

//soaheeme.net/4/4057774