Press "Enter" to skip to content

የኦነግ ሸኔ ቀለቡ መትረየሱ ሬንጀሩ ጫማው የሚመጣው መንግስት ውስጥ ባሉ ሰዎች ነው – አቶ ቀጄላ መርዳሳ የኦነግ ሊቀመንበር

ከአቶ ዳውድ ኢብሳ በመለየት አዲስ ምርጫ አካሂደው የተመረጡት የኦነጉ አቶ ቀጄላ መርዳሳ ዛሬ ጠዋት አሐዱ ራዲዮ በሚያዘጋጀው “ልሳነ ምርጫ” ፕሮግራም ላይ ቀርበው ስለ አባቶርቤ እና ስለ ኦነግ ሸኔ ባነሷቸው ሀሳቦች በሕዝቡ ውስጥ የሚሰማውን ሀሜት አደባባይ እውጥተውታል:: አቶ ቀጄላ እንዲህ ይላሉ

አዲስ አበባ ላይ ቁጭ ብለው ጫካ ውስጥ ባለው “ኦነግ ሸኔ” ሰዎችን የሚያስፈራሩ አሉ:: የኦነግ ሸኔ ቀለቡ መትረየሱ ሬንጀሩ ጫማው ከየት ነው የሚመጣው?

አጣዬ ላይ ሕዝቡን እየፈጁ ያሉት የመንግሥት ልዩ ኃይሎች ናቸው:: ኦነግ ሸኔ አጣዬ አካባቢ የለም:: የኦነግ ሸኔ ስም የተነሳው ወደዚያ አካባቢ እንዲመጣ ተፈልጎ ይሆናል::

አባ ቶርቤ (በአማርኛ “ባለሳምንት” ማለት ነው) የተባለው ነፍሰ ገዳይ ቡድን በመንግሥት መዋቅር ውስጥ ያለ ቡድን ሊሆን ይችላል:: ምክንያቱም ድምጽ ባለው መሣሪያ ሰው እየገደሉ አይያዙም::

የእኛ ጥያቄ ሀገር እና ሕዝብን እያሸበረ ያለው ማነው? መንግሥት “ኦነግ ሸኔ” ነው ሲለን ኦነግ ደግሞ “መንግሥት ነው” ይሉናል:: እውነቱ የቱ ነው?

የወንጀል የምርመራ እና የደኅንነት ቢሮ ይህንን ፍንጭ ይዞ ተጨማሪ ምርመራ አድርጎ ሀገር የሚያሸብሩትን ተጠያቂ በማድረግ ለሕዝብ የሚያሳውቀው መቼ ነው? (ዮሀንስ መኮንን)

Be First to Comment

Leave a Reply

Your email address will not be published. Required fields are marked *

//chooxaur.com/4/4057774