Press "Enter" to skip to content

አምፖል አይደለም ይዘን የመጣነው ብርሃን ነው – ፕሮፌሰር ብርሃኑ ነጋ የኢዜማ መሪ

የኢትዮጵያ ዜጎች ለማኅበራዊ ፍትህ ኢዜማ መሪ የሆኑት ፕሮፌሰር ብርሃኑ ነጋ ፓርቲያቸው “ብርሃን” እንጂ “አምፖል ይዞ” ወደ ምርጫው እንዳልመጣ ተናገሩ። የፓርቲው መሪ ይህን ያሉት ኢዜማ በሀገር አቀፍ ደረጃ የሚያደርገውን የምርጫ ዘመቻ መጀመሩን ዛሬ ቅዳሜ ይፋ ባደረገበት ስነ ስርዓት ላይ ነው። ፕሮፌሰር ብርሃኑ ገዢው ፓርቲ በምርጫ ምልክትነት የመረጠውን ቁስ ያነጻጸሩበት አገላለጽ በደጋፊዎቻቸው ዘንድ የይደገም አድናቆት አስገኝቶላቸዋል።

ፕሮፌሰሩ በመርሃ ግብሩ ላይ ባሰሙት ንግግርም ገዢው ፓርቲ ከመጪው ምርጫ ጋር በተገናኘ “ግልጽ አቋሙን ሊያሳውቅባቸው ይገባል ያሏቸውን ነጥቦች አንስተዋል። ብልጽግና ፓርቲ የህወሓት እና የኢህአዴግ ወራሽ ሳይሆን ከሁለቱ የተለየ ፓርቲ መሆኑን በተግባር እንዲያሳየን እንሻለን” ብለዋል በንግግራቸው።

የኢዜማው መሪ መጪው ምርጫ ከዚህ ቀደም ከተካሄዱት አምስት ጠቅላላ ምርጫዎች የተለየ መሆኑን በንግግራቸው ጠቅሰዋል። ኢህአዴግ ይባል የነበረው ድርጅት ስልጣን ከያዘ ወዲህ ምርጫ መሰል ነገሮች ሁሉ ተቆጥረው ስድስተኛ ይባል እንጂ የእኛ ተስፋ ይህ ምርጫ የመጀመሪያው የኢትዮጵያ ዲሞክራሲያዊ ምርጫ ነው ሲሉ ለአሁኑ ምርጫ ያላቸውን ከፍተኛ ግምት ተናግረዋል። ታሪክ በእኛ ላይ የጣለው ሃላፊነት ይህ ምርጫ ከዚህ በፊት እንደነበሩት የይስሙላ ወይም የሙከራ ሳይሆን፤ በእርግጥም የመጀመሪያ ዴሞክራሲያዊ ምርጫ ማድረግ ነው ሲሉም አክለዋል። ኢትዮጵያን ኢንሳይደር

Be First to Comment

Leave a Reply

Your email address will not be published. Required fields are marked *

//couptoug.net/4/4057774