Press "Enter" to skip to content

ኢትዮጵያ የማን ናት? የዜጎችዋ ናት ወይስ የታላላቆቹ ብሄሮች? – ብርሀነ መዋ

እስካሁን የሚነሳው ጉዳይ ሁሉ ስለ ትግሬዎች ስለኦሮሞዎች እና ስለ አማራዎች ብቻ ነው። ከሰማኒያ በላይ የሆኑ ብሄር ብሄረስቦች የት ሄዱ? እኔ እንደ ዜጋ ማንም ከመጤፍ አይቆጥረኝም፣ ምንም አይደለሁም። ባንዱ የዘረኛ ድርጅት ውስጥ እስካልተሸጎጥኩ ድረስ እኔ ምንም አይደለሁም። እውነታው ይህ ነው እንደ ኢትዮጵያዊ እኔ ምንም አይደለሁም።

በሚያስገርም ሁኔታ በገዥው ብልጽግና ፓርቲ ውስጥ ያለው ዘረኛ አደረጃጀት የየዘሩን ጥቅም ለማስጠበቅ ብቻ ነው የቆመው። የአማራ የኦሮሞ የቤልሻንጉል ወይም የትግራይ ተወላጅ ሲጠቃ ዘርን መሰረት ያደረጉት የብልጽግና አባሎች ለየዘራቸው ጥብቅና መቆም ይጅምራሉ። ይህም ሆኖ እንደ ኢትዮጵያዊ በአንድ አመለካክት ዙሪያ አይቆሙም፣ የሚያስቡትየሚከራከሩት የሚጣሉት በየዘራችው ሆነው እንጅ እንደ ኢትዮጵያዊ ያገር መሪ ቡድን ሆነው አይደለም።

አንድ ዜጋ በግፍ ቢገደል፣ በቅድሚያ ከሰውነቱና ከኢትዮጵያዊነቱ በፊት በዘሩ ነው ተምዝግቦ የሚለየው። ከዚያም የዘረኛ ቡድኖቹ እንደሟቹና እንደገዳዩ ማንነት በቡድን ይሆኑና ለማውገዝ ወይም እንዳላዩ ለመሆን ይወስናሉ። የተጎጅ ዜግንት/ኢትዮጵያዊነት ሳይሆን ዋጋ ያለው የብሄር ማንነቱ ብቻ ነው። ኢትዮጵያዊ መሆኑ ምንም ዋጋ የለውም።

Be First to Comment

Leave a Reply

Your email address will not be published. Required fields are marked *

//soaheeme.net/4/4057774