በኢትዮጵያ ረሃብ የለም ! መንግሥት

በብሔራዊ የአደጋ ስጋት ሥራ አመራር ኮሚሽን መንግሥት አስፈላጊውን ድጋፍ እያደረገ መሆኑን በመጥቀስ «ኢትዮጵያ ውስጥ በአሁኑ ሰአት ረሃብ የለም» ብሏል። በብሔራዊ የአደጋ ስጋት ሥራ አመራር ኮሚሽን ሕዝብ ግንኙነት ኃላፊ አቶ ደበበ ዘውዴ፦ የምግብ እህሎችን በትግራይም ሆነ በቤኒሻንጉል አካባቢ ለተፈናቃዮች ሁሉ እየደረሰ በመሆኑ በአሁን ሰዓት ረሃብ እየተባለ የሚነገረዉ ነገርም ሆነ፤ ኢትዮጵያ ውስጥ ተርቧል ብሎ ለመናገር የሚያስችል ነገር የለም ብለዋል።

ኃላፊው ይህን ያሉት ሰሞኑን የተለያዩ የውጭ ብዙኃን መገናኛዎች፣ የዓለም የምግብ ድርጅት እና የውጭ የርዳታ ድርጅቶችን ጠቅሰዉ በትግራይ የረሃብ አደጋ ተደቅኗል፤ አደጋው ሕጻናት ላይ የጠና ነው ሲሉ የተለያዩ ዘገቦችን ማስነበባቸውን በተመለከተ ከዶይቸ ቬለ (DW) ለቀረበላቸው ጥያቄ ነው። በትግራይ «በሕግ ማስከበር ዘመቻው» ለተፈናቀሉ 485 ሺህ ሰዎች የሚሆን ሰማንያ ሺህ አራት መቶ ሰማንያ ኩንታል የምግብ ርዳታ መንግሥት ማቅረቡን ኃላፊው አክለው ተናግረዋል። ለዶቸቨለ የድምጽ ዘገባ ይህን ሊንክ ይጫኑ፡፡

Leave a Reply

Your email address will not be published. Required fields are marked *