Press "Enter" to skip to content

በአንድ ቅዱስ ሲኖዶስ እና በአንድ ቅዱስ ፓትርያርክ ሥር ኾነን አገልግሎታችንን እንቀጥላለን፤ ሕዝባችንን እናገለግላለን፤ ያሳዘነውን እናስደስታለን

ሊቀ አእላፍ ቀሲስ በላይ መኰንንና የሽማግሌ ቡድኑ ሰብሳቢ ላእከ ሰላም ባያብል ሙላቴ፣ ስለ ትላንቱ የቅዱስ ሲኖዶስ ምልአተ ጉባኤ ውሳኔ እና ስለተደረሰበት ስምምነት፣ በጠቅላይ ቤተ ክህነት “ጽርሐ ተዋሕዶ” አዳራሽ ጋዜጣዊ መግለጫ እየሰጡ ነው

“ጥያቄአችን ከአስተዳደር ችግር የመነጨ እንጂ ሃይማኖታዊ አልነበረም፤ አንዲት ቤተ ክርስቲያን ናት አሸናፊዋ፤ ቤተ ክርስቲያን አሸናፊ ከኾነች ኹሉም አሸናፊ ነው፤ በአንዲት ቅድስት ቤተ ክርስቲያን፣ በአንድ ቅዱስ ሲኖዶስ እና በአንድ ቅዱስ ፓትርያርክ ሥር ኾነን አገልግሎታችንን እንቀጥላለን፤ ሕዝባችንን እናገለግላለን፤ ያሳዘነውን እናስደስታለን፤

እኛ የቤተ ክርስቲያን ከኾን፣ የኦሲኤን ቴሌቪዥን ጣቢያም የቤተ ክርስቲያን ነው፤ ቤተ ክርስቲያን፥ ኹለት ሦስት ብቻ ሳይኾን ብዙ ያስፈልጋታል፡፡”
/ሊቀ አእላፍ ቀሲስ በላይ መኰንን/

“በስምምነቱ እና በቅዱስ ሲኖዶስ ውሳኔ፥ የቤተ ክርስቲያን አሸናፊነት እንጂ የአንድ ወገን አሸናፊነት የለም፤ ቅዱስ ፓትርያርኩ እና ብፁዓን አባቶች፣ ልጆቻችን፥ እንኳን በደኅና መጣችኹልን ብለው ልዩነት በሌለው ቃል ለስምምነቱ ይኹንታ ሰጥተው ተቀብለውናል፤

በድርጊት መርሐ ግብሩ መሠረት፣ የስምምነቱን ዓላማዎች የሚያጠናክር ሴሚናር፥ በአዲስ አበባ ሰባቱም ክፍላተ ከተማ እና በኦሮሚያ ክልል ኹሉም አህጉረ ስብከት ወረዳዎች ይደረጋል፤ ለክልላዊ መንግሥቱ ባለሥልጣናት ማብራሪያ ይሰጣል፡፡” ላእከ ሰላም ባያብል ሙላቴ

Be First to Comment

Leave a Reply

Your email address will not be published. Required fields are marked *