የበረሃ አንበጣን ለመከላከል የሚረዳ ሰው አልባ አውሮፕላን አምሳል በተማሪ ተሠርቷል፡፡


ዮርዳኖስ ማሞ ይባላል በሰሜን ሸዋ ዞን ሸዋሮቢት አጠቃላይ ሁለተኛ ደረጃና መሰናዶ ትምህርት ቤት የ12ኛ ክፍል ተማሪ ነዉ። በዚህ ዓመት ሀገር አቀፍ ፈተና እንደሚወስድ እና ጠንካራ ዝግጅት እያደረገ መሆኑን ነግሮናል፡፡

የሠራዉ ሰዉ አልባ አዉሮፕላን ነው በሸዋሮቢት አጎራባች ስፍራዎች ተከስቶ የነበረው የአንበጣ መንጋ አውሮፕላኑን ለመሥራት እንዳነሳሳዉ ዮርዳኖስ ነግሮናል። በሰዉ ኃይል አንበጣን ለማባረር መንቀሳቀሱ አድካሚና በስፋት ከተከሰተ ደግሞ ለመቆጣጠር አስቸጋሪ እንደሚሆን ተረድቷል።

አውሮፕላን በመጠቀም ኬሚካል መርጨቱ አንበጣ ወደ ገደላማ ስፍራዎች ገብቶ ሲደበቅ ውጤታማ አለመሆኑንም ተመልክቷል።

ነገር ግን ሰው አልባ አውሮፕላን መጠቀም ኬሚካል ለመርጨትም ሆነ በሸለቋማ አካባቢዎች ኬሚካል ለመርጨትም ሆነ ገብቶ ለማባረር ሥራዉን ቀላል እንደሚያደርገዉ የተገነዘበው ወጣት ሰው አልባ አውሮፕላንን በአካባቢው ቁሳቁስ በመሥራት ሙከራ አድርጓል። ሰው አልባ አውሮፕላኑ ከመሬት ሆኖ በርቀት መቆጣጠሪያ አንቴናው አማካኝነት የሚታዘዝ ነው፡፡

ሰው አልባ አውሮፕላኑ አርሶ አርሶ አደሩ ማሳውን ለመፈተሸ የሚያወጣውን ድካምም እንደሚቀንስለት ነው የተናገረው፡፡ ወጣቱ ሰው አልባ አዉሮፕላኑን ለመሥራት የሽቶ ዕቃ አራት ዲናሞ ማስመሪያ ሶስት ነጥብ ሰባት ቮልት ባትሪ ዲንጋይ ሞገድ ሲግናል ለማሠራጨት እንዲረዳዉ አንቴና ተጠቅሟል።

ዮርዳኖስ የፊዚክስ መምህራን በሰጡት ትምህርትና በማኅበራዊ ሚዲያ ከዮቲዩብ ተንቀሳቃሽ ምስል ንድፉን ዲዛይን እንዴት እንደሚወጣ በመረዳት መሥራቱን ነው ለአብመድ የገለጸው።

ተማሪዎች አብዛኛዉ ጊዜያቸዉንና ትኩረታቸውን ትምህርታቸዉ ላይ ማድረግ አለባቸው ያለው ዮርዳኖስ ሰዎች ማኅበራዊ ሚዲያ ሲጠቀሙም ከዘርፉ ብዙ ዕውቀት ሊቀስሙና የተመለከቱትን፣ ያነበቡትንና ያዳመጡትን ተግባራዊ አድርገዉ በጎ አስተዋጽኦ ሊያረክቱበት እንደሚችሉም ገልጿል፡፡

የዮርዳኖስ የፊዚክስ መምህር መንግሥቱ አወቀ እንደ ዮርዳኖስ ያሉ ተማሪዎች ትምህርት ቤት ውስጥ በሚያገኙት ዕዉቀት የፈጠራ ሥራ ለመሥራት ቤተ ሙከራ ውስጥ ሙከራና ጥረት ያደርጋሉ።

ተማሪዎች በአቅራቢያቸው ከሚያገኟቸው ቁሳቁሶች ተጠቅመው ፈጠራዎችን ይሠራሉ ነገር ግን እንደኛ ያሉ ትምህርት ቤቶች የአቅም ውስንነት ስላለባቸዉ ተማሪዎች የሚፈልጓቸውን ቁሳቁሶች ለማቅረብ ይቸገራል። እናም ተማሪዎቹ በሳይንስና ቴክኖሎጂ ከፍተኛ ትምህርት ተቋም ድጋፍ ቢደረግላቸዉና እንዲሠሩ መንገዱ ቢከፈት የተለየ የፈጠራ ሥራ ማሳየት ይችላሉ ብለዋል።

ዮርዳኖስ ማሞ ሰው አልባ አውሮፕላኑን አሻሽሎ ማቅረብና በርካታ የፈጠራ ሥራዎች ላይ መሳተፍ እንደሚፈልግ ተናግሯል፡፡ ለዚህ ሙያዊ ስልጠና እና ጠለቅ ያለ ዕውቀት ለማግኘት የሮቦቲክስ ማሰልጠኛ ተቋምን መቀላቀል ሐሳቡ እንደሆነም ገልጿል።

 


yeahun

0 Comments

Your email address will not be published. Required fields are marked *

0Shares