ቤቲ ጂ ከምርጫዋ እስከ ዝግጅቷ ሁኔታውን በስልክ ስታስረዳ


ጉዳዩ ሰርፕራይዝ እንዲሆ ስለተፈለገ በኔ በኩል ከእናቴና ከእህቴ በስተቀር ማንም አያውቅም ነበር። ሙዚቃዎቹን ያቀናበረው ያሙሉ ሙሉ እንኳን ከናንተ እኩል በቲቪነው ያየው።

በኋላ እንደተረዳሁት ዶ.ር አብይም አያውቁም ነበር። የኖቤል ኮሚቴው በሚስጥር ከማኔጀሬ እዮብ ጋር ተነጋግረው ነው ዝግጅት የጀመርነው። ኦስሎ የገባነው ሰኞ ጠዋት ሲሆን ልምምድ የጀመርነውም የዛኑ ዕለት ከሰዓት ነበር።

የፀጉር አሰራሬ ከትግራይ ልብሴ ከአማራ የእጄን ሂና ከሃረሪ ስላደረኩ ዘፈኑ ላይ ደግሞ የኦሮምኛውን ሲንጃለዳ ብንጨምርበት ኢትዮጵያ ከሚለው ዘፈን ጋር ሁሉንም ያቀፈ ማድረግ ይቻላል ብለን ተነጋግረን የተወሰነ ነው።

ያንን የአሩሲ የአንገት ውዝዋዜ ለሁለት ሳምንት ያህል ተለማምጄ ነው ትንሽ የቻልኩት። የመጀመሪዎቹ ቀናት ያዞረኝ ነበር ፣ ስትራፖ ሁሉ ያስቸግረኝ ነበር። በሂደት ነው እየቻልኩት የመጣሁት።

እስከዛሬ ከሰራሁባቸው መድረኮች ሁሉ የትላንቱን ለየት እሚያደርገው ንጉስና ንግስት በተገኙበት ጠሚኒስትሩ ባሉበት ፀጥ ብሎ እሚከታተል ታዳሚ ባለበት ሙዚቃ አቅርቤ ስለማላውቅ ደስታም ፍርሃትም ነበር እሚሰማኝ።

ሽልማቱ ሲያልቅ ከዶ.ር አብይ ጋር ተገናኝተን በጣም ጎበዝ በርቺ ጥሩ ነው የሰራሽው ብለውኛል። ከዝግጅቱ በኋላ ሁለት የኖርዌይ ቴሌቭዥን ጣቢያዎች
ስለ አልባሳቶቼና ስለ ውዝዋዜዬ ብዙ ጠይቀውኛል። እስካሁን ባለኝ መረጃ መሰረት ሁላችንም በአንድ አውሮፕላን ነው ነገ ጠዋት ላይ አ.አ እምንገባው ብላለች። ምንጭ ታድያስ አዲስ


yeahun

0 Comments

Your email address will not be published. Required fields are marked *

0Shares