“መፍትሄ የሚገኘው ወንጀለኛን በመቅጣት ብቻ ሳይሆን፣ ህግና ደንብን በማስተማር ጭምር ነው” ወ/ሮ ማዓዛ አሸናፊ የጠቅላይ ፍርድ ቤት ፕሬዚዳንት


ኢፕድ – የጠቅላይ ፍርድቤት ፕሬዚዳንት ወይዘሮ መአዛ አሸናፊ በትላንትናው ዕለት ዓለማቀፍ የሰብአዊ መብት ቀንን ምክንያት በማድረግ ከዳግማዊ ምኒሊክ መሰናዶ ትምህርት ቤት ተማተማሪዎች ጋር በተደረገው የውይይት መድረክ ላይ እንዳሉት በፍትህ ዘርፉ ስኬት የሚገኘው ወንጀለኛን በመቅጣት ብቻ ሳይሆን ህግና ደንብን በማስተማር በተለይ ደግሞ በታዳጊዎች ላይ መብትና ግዴታቸውን አውቀው እንዲያድጉ በማደረግ ነው።

በመሆኑም ይላሉ ወይዘሮ መዓዛ ጠቅላይ ፍርድቤት የፍትህ ዘርፉ የሚስተዋልበትን ክፍተቶች መቅረፍ እንዲችል ታዳጊዎች ላይ ትኩረት አድርጎ በመስራት ላይ ነው። መብት እና ግዴታውን ያወቀ ህብረተሰብ ለመገንባት ጠንክሮ መሰራት ያለበት መሰረቱ ላይ እንደሆነ ፕሬዚዳንቷ አጽዕኖት ሰጥተው ተናግረዋል።

መብቱን ብቻ ሳይሆን ግዴታውን ያወቀ ህብረተሰብ መገንባት ካልተቻለ የዳኝነት ስራውን ከባድ ያደርገዋል ያሉት ፕሬዝዳንቷ ትውልድን ለመገንባትም መስርያ ቤታቸው በወጣቶች ላይ በተለይም ተማሪዎች ላይ ትኩረት በመስጠት ይሰራል፡፡

በመድረኩ 500 የዳግማዊ ምኒሊክ መሰናዶ ትምህርትቤት ተማሪዎች ተሳትፎ ያደረጉ ሲሆን ጠቅላይ ፍርድቤት የሰብአዊ መብት ቀንን ምክንያት በማድረግ በተመሳሳይ በሌሎች ሶስት ትምህርት ቤቶች ላይ ቀጣይ መድረክ ይኖረዋል፡፡


yeahun

0 Comments

Your email address will not be published. Required fields are marked *

0Shares