ፕሮፌሰር መረራ ጉዲና ከOMN ጋር ያደረጉት ቆይታ ውስጥ የተቀነጨበ።


ጋዜጠኛ ኦዲፒ የኦሮሞ ህዝብ የጠየቃትን ጥያቄ ሳትመልስ ብልፅግና ውስጥ መዋህዷን እንዴት አዩት። ይህ ውህደት አህዳዊ ስርዓት ያመጣብናል የሚሉ አሉ።

ፕ/ር መረራ  አህዳዊና ፌደራሊስት የሚያደርጋቸው አንድ ወይን አስራ አንድ መሆናቸው አይደለም። አንድም ሆነው የህዝቡን ጥያቄ ሊመልሱ ይችላሉ። የሌሎች አገሮች ተሞክሮም ያንን ያሳያል። “የህዝቡን ጥያቄ እንመልስበታለን ድምፅም አግኝተን እናሸንፍበታለን ” ካሉ መብታቸው ነው። ይሄ የትግል አንዱ አካሄድ ነው። እንደበፊቱ እናጭበረብራለን ድምፅ እንዘርፋለን ካሉ ነው ችግሩ።

ጋዜጠኛ(በለበጣ እየሳቀ) ” ዶ/ር አብይ በቅርቡ ወጥተው ‘ቄሮ እንኳን ደስ አለህ የምትፈልገው ፓርቲ ተመስርቷል’ ብለዋል። በርግጥ ቄሮ የታገለው ለብልፅግና ፓርቲ ነው? ”

ፕ/ር መረራ ” እንግዲህ ሁላችንም ቄሮ የኛ ነው የኛ ነው እንላለን። ያ እንዳለ ሆኖ ኦዲፒም በራሱ ሥር ያደራጃቸው ቄሮዎች የሉም ብለን አናምንም። ሥለዚህ ለነሱም ይሆናል መልዕክት ያስተላለፉት። ”

ጋዜጠኛ “በቅርቡ በአሜሪካ ቄሮን አሸባሪ ተብሎ እንዲፈረጅ እናስደርጋለን” ስላሉት ሰዎች ምን አስተያየት አለዎትፕ/ር መረራ ” ወጣቶች መንገድ ስተውም ከሆነ እንዲመለሱ በቻሉት አቅም ከድርጊታቸው እንዲቆጠቡ መሞከርና መምከር እንጂ የአገርህን ወጣት ሽብርተኛ ማስባል ለአብሮነታችንም ሆነ ለዚህች አገር ፖለቲካ አይጠቅምም ብዬ አምናለሁ”

ሌሎችም ተፎካካሪ ፓርቲን እንዲህ በጨዋነትና በምክንያት ብቻ ቢተቹ በአገሪቱ ፖለቲካ ላይ ትልቅ ለውጥ ይመጣል


yeahun

0 Comments

Your email address will not be published. Required fields are marked *

0Shares