“ኢዜማና ብልጽግና ሊዋሀዱ የሚችሉበት ነገር የለም” ፕሮፌሰር ብርሃኑ ነጋ የኢዜማ መሪ


ጠንካራ ዴሞክራሲያዊ ስርአት እንዲገነባ 2 ወይም 3 ጠንካራ የፖለቲካ ፓርቲዎች ሊኖሩ ይገባል። እኔ እስከማውቀው ድረስ ኢዜማ እና ብልፅግና ፓርቲ ሊዋሃዱ የሚችሉበት ነገር የለም።

በኢትዮጵያ ውስጥ ጠንካራ መሰረት ያለው ዴሞክራሲያዊ ስርአት እንዲገነባ ሁለት ወይም ሶስት ጠንካራ የፖለቲካ ፓርቲዎች መኖር አለባቸው። አገሪቱን አሁን እየመራ ያለውን ፓርቲ የሚገዳደር ጠንካራ ፓርቲ መኖሩ ለዴሞክራሲ ጥሩ ነው ብለን እናምናለን። እናም ኢዜማ ፖሊሲዎቹን ይዞ ይቀጥላል።

ኢዜማ እና ብልፅግና ፓርቲ በተለያዩ የፖሊሲ ጉዳዮች ላይ የሚያለያዩን አማራጮች አሉን። ያንን ወደፊት እንከራከርበታለን። በአንድ ወሳኝ ሀገራዊ ጉዳይ ላይ ግን ሁሌም አንድ ላይ ነን። ኢትዮጵያ የምትባለውን ሀገር እንደ ሀገር ለማቆየት ጥረት ከሚያደርግ ከየትኛውም ፓርቲ ጋር አብረን እንሰራለን።

አዲስ የሚመሰረተው የብልፅግና ፓርቲም ከዘር ፖለቲካ ወጥቶ ሀገራዊ ፓርቲ ለመሆን የሚያደርገውን ጥረት እሰየው በርታ ግፋበት ነው የምንለው። ምክንያቱም ለሀገር ሰላምና አንድነት ይበጃል ትልቅ አስተዋፅኦ አለው ብለን ስለምናምን።

በልዩነታችን ዙሪያ ክርክርና ምርጫ ይደረጋል። ከምርጫ በኋላ ግን ሁሌም ሀገር ይቀድማል። ኢትዮጵያን ለማስቀጠል ሁሌም አብረን እንሰራለን። በዛ ደረጃ ካልሆነ በቀር አዲስ ከሚመሰረተው የብልፅግና ፓርቲ ጋር ለመዋሃድ የተጀመረ ውይይትም ፣ ሀሳብም የለም።


yeahun

0 Comments

Your email address will not be published. Required fields are marked *

0Shares