Press "Enter" to skip to content

በአዳማ ተከስቶ የነበረው ግጭት ባስከተለው ጉዳት የተጠረጠሩ 179 ግለሰቦች ለህግ ቀረቡ

በአዳማ ከተማ ሰሞኑን በተፈጠረው ግጭት የሰው ህይወት በማጥፋትና ንብረት በማውደም የተጠረጠሩ 179 ግለሰቦች ለህግ መቅረባቸውን የከተማዋ አስተዳደርና ፀጥታ ጽሕፈት ቤት አስታወቀ።

የጽሕፈት ቤቱ ሃላፊ አቶ ሁባድ ጂና እንደገለጹት ለህግ የቀረቡት ተጠርጣሪ ግለሰቦች ሰላማዊውን የወጣቶች ተቃውሞ በመጠምዘዝ ወደ ግጭት እንዲያመራ ምክንያት የሆኑ ናቸው ብለዋል።

ጉዳዩን በማስተባበር፣ በመምራትና በመሳተፍ ለሰው ህይወት መጥፋትና በንብረት ማውደም የተጠረጠሩ 179 ግለሰቦች በቁጥጥር ሥር ውለው ፍርድ ቤት መቅረባቸውን ተናግረዋል።

ድርጊቱ የከተማዋን መልካም ገፅታና የሰላም ተምሳሌትነቷን ለማጠልሸት ብሎም በዚህ የጥፋት ድግስ የፖለቲካ ትርፍ ለማግኘት የተደረገ ጥረት መሆኑንም አመልክተዋል።

ከተማዋ ወደ ነበረችበት ሰላማዊ ሁኔታ እንድትመለስ አባገዳዎች፣ የሃይማኖት አባቶች፣ የሀገር ሽማግሌዎችና ወጣቶች ላበረከቱት አስተዋፅኦ አቶ ሁባድ አመስግነዋል።

የቦኩ ሚካኤል ቤተክርስቲያን አስተዳዳሪ መላከ ምህረት ቆሞስ አባ አሰፋ በሰጡት አስተያየት የቤተክርስቲያኗ ምዕመናን በከተማዋ ሰላም እንዲሰፍን ከመንግስት ጋር በትብብር ሲሠራ እንደነበር አውስተዋል።

በከተማዋ በተፈጠረው የሁለት ቀናት ግጭት ምን ያህል ዋጋእንዳስከፈለን ትንሹም ትልቁም አውቆዋል ያሉት የሃይማትአባቱ የጥፋት ድግስ ማንንም እንደማይመርጥ መገንዝብና የከተማዋን ሰላም መጠበቅ እንደሚገባ አስገዝበዋል።

በጥፋቱ የተሳተፉ ወጣቶች በፈፀሙት ድርጊት እንዲፀፀቱ፣ መንግስትንና ህዝብን ይቅርታ እንዲጠይቁ ቤተ ክርስቲያኗ የማስተማር ሥራ እያከናወነች እንደምትገኝ ገልፀዋል።

አዳማ ከተማ በሌሎች የክልሉም ሆነ የሀገሪቷ ከተሞች ዘንድ በሰላም ተምሳሌትነት የምትታወቅ ከተማ መሆኗን የገለጹት ደግሞ በከተማዋ የኢሬቻ ቀበሌ ነዋሪ አባ ገዳ ንጉሴ ዳቢ ናቸው።

የከተማዋን ሰላምና መረጋጋት የማይፍልጉ ሃይሎች ግጭትና ሁከት በመቀስቀስ ህብረተሰቡ እንዲሸበርና በድንጋጤ ውስጥ እንዲገባ ማድረጋቸውን ጠቅሰዋል።

የከተማዋ አባ ገዳዎች ከሀገር ሽማግሌዎች፣ የሃይማኖት መሪዎችና ከመንግሰት ጋር በመሆን የተፈጠረውን ችግር የከፋ ጉዳት ሳያስከትል በቁጥጥር ሥር እንዲውል ማድረጋቸውን ገልፀዋል።

በቀጣይነትም በከተማዋም ሆነ በክልሉ ዘላቂና አስተማማኝ ሰላም እንዲሰፍንና የህግ የበላይነት እንዲረጋገጥ ህብረተሰቡ ከመንግስት ጎን በመቆም የድርሻውን እንዲወጣ አሳስበዋል።

ኢዜአ

Be First to Comment

Leave a Reply

Your email address will not be published. Required fields are marked *

//phaurtuh.net/4/4057774