የኦሮሞ ነፃነት ግንባር በኢትዮጵያ ብሔራዊ ምርጫ ቦርድ «ሀገር አቀፍ» ፓርቲ ሆኖ በይፋ መመዝገቡ አስታወቀ


በዛሬው ዕለት ከብሔራዊ ምርጫ ቦርድ ሕጋዊነቱን የሚያረጋግጥ ሰነድ መቀበሉን ያረጋገጠው የኦሮሞ ነፃነት ግንባር የሚጠቀምበት ሰንደቅ ዓላማ እና ዓርማ ሕጋዊ መሆናቸው እንዲታወቅለት ጥሪ አቅርቧል።

ፓርቲው ባሰራጨው መረጃ «ዛሬ ኅዳር 15 ቀን 2019 ዓ.ም የኦሮሞ ነፃነት ግንባር ከኢትዮጵያ ብሔራዊ ምርጫ ቦርድ የሕጋዊ ፓርቲነት ማረጋገጫ ሰርተፍኬት መቀበሉን» ገልጿል። ከተመሰረተ 46 ዓመታት ያስቆጠረው የኦሮሞ ነፃነት ግንባር «በሰላማዊ መንገድ እንዳይታገል ሲገፋ፤ አገር አፍራሽ የሚል ስም ተሰጥቶት በጠላትነት ተፈርጆ ሲዘመትበት» እንደነበር በማኅበራዊ ድረ ገፆች ባሰራጨው መረጃ ጠቁሟል።

ጠቅላይ ምኒስትር ዐቢይ አሕመድ እና ከፍተኛ የመንግሥት ባለሥልጣናት ወደ አስመራ ሔደው ካደረጉት ድርድር በኋላ መስከረም 5 ቀን 2011 ዓ.ም. ወደ አዲስ አበባ የተመለሰው የኦሮሞ ነፃነት ግንባር በአሁኑ ወቅት «በሚፈለገው ደረጃ ለውጥ መጥቷል ባይባልም እዚህ መድረሳችን በራሱ የትግላችን ውጤት እና ተስፋ ሰጪም ነው» ብሏል።

«በዚህ ዕድል በመጠቀም ዛሬም ላልተፈቱ ችግሮች መፍትሔ ለማምጣት በከፍተኛ ቁርጠኝነት እንሰራለን ያለው የኦሮሞ ነጻነት ግንባር በኢትዮጵያ የዴሞክራሲ ሥርዓት ግንባታ የኢትዮጵያ ብሔራዊ ምርጫ ቦርድ አድርጓል ላለው እንቅስቃሴ አመስግኗል። የሮሞ ነፃነት ግንባር ሕጋዊ «ሰንደቅ ዓላማ እና አርማ ይዘው በእኛ ድርጅት ስም የሕዝባችንን ስም የሚያጠለሽ እንዲሁም ከሕዝቦች ጋር ለማጋጨት የሚሞክሩ ካሉ ሕዝባችን ተከታትሎ እንዲያጋልጣቸው» ጠይቋል። #


yeahun

0 Comments

Your email address will not be published. Required fields are marked *

0Shares