በመንግስት እና በግል አጋርነት ጥምረት የመንገድ ፕሮጀክት ግንባታ ተግባራዊ ሊደረግ ነው


በመንግስት እና በግል አጋርነት ጥምረት የመንገድ ፕሮጀክት ግንባታ በኢትዮጵያ ተግባራዊ ሊደረግ ነው። ይህን እውን ማድረግ የሚያስችል ዝርዝር ጥናት እንዲደረግም በመንግስት እና በግሉ ዘርፍ የተቋቋመው የመንግስት እና የግል አጋርነት ቦርድ ውሳኔ አሳልፏል።

በቦርዱ ውሳኔ መሰረትም ለመጀመሪያ ጊዜ ከአዳማ – አዋሽ – ሚኤሶ – ድሬዳዋ የፍጥነት መንገድን በጥምረቱ ለመገንባት የአዋጭነት ጥናት እንዲካሄድ ወስኗል።

በዚህም መሰረት ዝርዝር የአዋጭነት ጥናቱ እየተካሄደ ሲሆን ውጤቱን ተከትሎም ወደ ግንባታ ስራ ይሸጋገራል ተብሎ ይጠበቃል። የግሉ ዘርፍ በመሰረተ ልማት ግንባታ ላይ የሚሳተፍበትን ፖሊሲና የህግ ማዕቀፍ በማዘጋጀት ወደ ስራ መገባቱ ይታወቃል።

በዚሁ የህግ ማዕቀፍ መሰረት የመንግስትና የግል አጋርነት(የመግአ) ቦርድ፣ የመግአ ዳሬክቶሬት ጄኔራል እና በአስፈጻሚ መስሪያ ቤቶች የሚቋቋሙ የፕሮጀክት አስተዳደር ቡድኖች ዋነኛ ተዋናይ ሆነው ተቀምጠዋል።

የመንግስት እና በግል አጋርነት ፕሮግራም ከዚህ ቀደም በኢትዮጵያ ኤሌክትሪክ ሀይል ድርጅት ተግራዊ ተደርጎ አበረታች ውጤት እንደተገኘበት ከኢትዮጵያ መንገዶች ባለስልጣን ያገኘነው መረጃ ያመላክታል።


yeahun

0 Comments

Your email address will not be published. Required fields are marked *

0Shares