አንድ የገቢዎችና ጉሙሩክ ሰራተኛ3 መቶ ሺ ብር በሙስና ሲቀበል በፖሊስ አባላት እጅ ከፍንጅ ተያዘ
By: Date: October 31, 2019 Categories: ኢኮኖሚ Tags:

በአዲስ ከተማ ክ/ከተማ ወረዳ 8 ልዩ ቦታው ይርጋ ሃይሌ ገበያ ማዕከል 3ኛ ፎቅ ሉሲ ካፌ ውስጥ ሲሆን ተጠርጣሪው የአአበባ ከተማ አስተዳደር ከፍተኛ ገቢዎችና ጉሙሩክ ኢንትለጀንስ ሰራተኛ የሆነው የማይገባውን ጥቅም

ለራሱ ለማግኘት በማሰብ ግብር ከፋይ ከሆነችው የግል ተበዳይ 3 መቶ ሺ ብር ሲቀበል በፖሊስ አባላት እጅ ከፍንጅ መያዙን የክከተማው ፖሊስ መምሪያ የወንጀልና የትራፊክ አደጋ ምርመራ ዲቪዚዮን ሃላፊ ኮር ጌታነህ በቀለ ተናግረዋል፡፡

የጉዳዩ መርማሪ የሆኑት ኢ/ር ጎይቶም ሃለፎም እንደተናገሩት ተጠርጣሪው ያልተገባ ጥቅም ለማግኘት ሲል የግል ተበዳይን የ2007 እና የ2008 ዓ/ም የግብር ደረሰኝ የከፈለችበት ስህተት ስላለበት ይህ ደግሞ በወንጀል ስለሚያስጠይቅሽ እኔ ላስተካከልልሽ እችላሉ

በማለት ከቀጠራት በኋላ ይዛለት የመጣችውን ገንዘብ ተቀብሎ ለመሄድ ሲሞክር በፖሊስ አባላት ከ3 መቶ ሺ ብር ጋር እጅ ከፍንጅ ተይዞ ጉዳዩ በልደታ ከፍተኛ ፍ/ቤት ውሳኔ እየተጠባበቀ እንደሚገኝ ገልፀዋል፡፡

Leave a Reply

Your email address will not be published. Required fields are marked *