የሸጎሌ የአውቶብስ ዲፖ ተመርቆ ተከፈተ


የአዲስ አበባ ከተማ አስተዳደር በ555 ሚሊዮን ብር ያስገነባው የሸጎሌ የአውቶብስ ዲፖ ተመርቆ ተከፍቷል። የተመረቀው ዲፖ በዘመናዊ መንገድ የተገነባ ሲሆን ምቹ የአውቶብስ ማቆያ

ዘመናዊ የጥገና ማዕከል የአውቶብሶችን ውጪ አካል የቀለም መቀባት አገልግሎትን የሚሰጥ እንደዚሁም የአውቶብስ እጥበት እና የነዳጅ ማደያ አገልግሎቶች የሚሰጡበት ቦታዎች አሉት ተብሏል። እንደ ኢቢሲ ዘገባ ዲፖው 212 አውቶብሶችን ማቆም የሚችል እና ከ250 እስከ 300 ለሚሆኑ አውቶብሶች በተመቻቸ ሁኔታ የእጥበት እና የጥገና አገግሎቶችን የሚሰጥ መሆኑ ተነግሯል።

የአዲስ አበባ ከተማ አስተዳደር በከተማዋ የሚታየውን የትራንስፖርት እጥረትን ለመቅረፍ ዘመናዊ የአውቶብሶች አገልግሎትን ለኅብረተሰቡ ለመስጠት የተለያዩ ሥራዎችን እያከናወነ መሆኑንም አስታውቋል።


yeahun

0 Comments

Your email address will not be published. Required fields are marked *

0Shares