የብሮድካስት ባለስልጣን የመገናኛ ብዙኃንን አስጠነቀቀ፡፡


ዘገባ የይዘት ምንጭን ከአንድ ወገን ብቻ በማድረግና የዘገባ ትክክለኝነትን በመጣስ በሕዝቦች መካከል የእርስ በርስ ግጭት በመቀስቀስ ላይ የተጠመዱ የንግድና የመንግሥት የመገናኛ ብዙኃን ከድርጊታቸው ሊቆጠቡ እንደሚገባ የኢትዮጵያ ብሮድካስት ባለስልጠን አሳሰበ፡፡

ባለስልጣኑ እነዚህን ተቋማት ከመደገፍና ከማስተማር ባለፈ የይዘት ትንተና ውጤትን መሠረት በማድረግ እስከ መዝጋት የሚደርስእርምጃ እንደሚወስድም አስጠንቅቋል፡፡

የመገናኝ ብዙኃን ሕዝባዊ አደራቸውን በልተው፣ እውነትን ረስተውና ሚዛናዊ ከሆነ የዘገባ ሥራ ይልቅ የመንግሥትን የፖለቲካ ፋላጎት ማራገብ ላይ ሲቆሙ፣ የዜጎችን መከባበርና አንድነት በመሸርሸር ጥላቻ ሲሰብኩ፣ ጉልበት ያለውን የሕዝብ ተቃውሞና ጥያቄ ጥላሸት ሲቀቡና ሲያጣጥሉ፣ የበቀል ቋንቋን ሲጠቀሙ ዜጎችን ለግጭት ይዳርጋሉ፡፡

በኢትዮጵያ ብሮድካስት ባለስልጠን የብሮድካስት አዋጅ ቁጥር 533/1999 ስር ለመተዳደር ቃል መሀላ በመውሰድ እየሠሩ ያሉ አንዳንድ የንግድና የመንግሥት የመገናኛ ብዙኃን በሕዝቦች መካከል የእርስ በርስ ግጭት ለማነሳሳት ሲሉ የይዘት ምንጭን ከአንድ ወገን ብቻ በማድረግና የዘገባ ሚዛናዊነትን በመናድ ሥራዎች ላይ እንደተጠመዱ ባለስልጣኑ አስታውቋል፡፡ ባለስልጣኑ የተወሰኑ የግል እና የመንግሥት የመገናኛ ብዙኃንን በስም ጠቅሶ ትክክለኛ የመገናኛ ብዙኃንን ኃላፊነት እየተወጡ አለመሆኑን አስታውቋል፡፡

ባለስልጣኑ በስም በጠቀሳቸው የመንግሥትና የግል የመገናኛ ብዙኃን በኩል በድምጽ እና በምስል በማስደገፍ የሚሰራጩ የጥላቻ እና የአንድ ወገንን ሐሳብ ብቻ ላይ የቆሙ፤ አብሮነትን የሚንዱ በእውነት ላይ ያልተመሠረቱ የአሉቧልታ ዘገባዎች እንዳሉ ተናግሯል፡፡

በኢትዮጵያ ብሮድካስት ባለስልጣን የመገናኛ ብዙኃን ክትትልና አቅም ግንባታ ዳይሬክቶሬት ተወካይ ዳይሬክተር አቶ ዐብይ መኮነን ‹‹ከቅርብ ጊዜያት ወዲህ በሕዝብና በንግድ የመገናኛ ብዙኃን በኩል እንደ ሀገር ችግሮች ሲፈጠሩ መፍትሔ ከመጠቆም ይልቅ የአባባሽነት ሥራ ቦታውን ወስዷል›› ብለዋል፡፡

‹‹ባለስልጣኑ እነዚህን ተቋማት ከመደገፍና ከማስተማር ባለፈ ስርጭታቸውን ካለፈው ሐምሌ ወር ጀምሮ በመቆጣጠር የይዘት ትንተና እየሠራ ነው፤ የስድስት ወር የትንተና ውጤቱን መነሻ በማድረግም እስከ መዝጋት የሚደርስ እርምጃ ይወስዳል›› ብለዋል አቶ ዐብይ፡፡

‹‹ካለፈው ወር ሐምሌ ጀምሮ ሁሉንም የሀገሪቱን የመገናኛ ብዙኃን የ24 ሰዓት ስርጭት እየቀዳን ነው፤ የይዘት ትንተና በመሥራት በግል ለየተቋማቱ ራሳቸውን እንዲያዩ ከተደረገ በኋላ ሕጋዊ እርምጃ በአዋጁ መሠረት ይወሰዳል›› ነው ያሉት፡፡

በዚህ ወቅት ጥላቻ በኢትዮጵያ ነጻነት፣ ዴሞክራሲ እና ሰብዓዊ መብት ጥበቃ ላይ የከፋ ችግር በማስከተል ሀገሪቱን እየፈተናት ይገኛል፡፡ ይህን በመመለስና ሀገራዊ ሠላምና ልማት እንዲረጋገጥ በማድረግ በኩል የመገናኛ ብዙኃን በተቀመጠላቸው አዋጅ እንዲመሩ በማድረግ መንግሥት ኃላፊነቱን በአግባቡ መወጣት እንዳለበትም ዜጎች እያሳሰቡ ነው፡፡


yeahun

0 Comments

Your email address will not be published. Required fields are marked *

0Shares