ባለፉት 28 ዓመታት አጋር ድርጅቶች ያልተሳተፉበትን ሀገራዊ ውሳኔ እንዲተገብሩ ሲገደዱ ቆይተዋል – የጋምቤላ ክልል ርዕሰ-መስተዳድር አቶ ኡሞድ ኡጁሉ


ኢትዮጵያ ህዝቦች አብዮታዊ ዴሞክራሲ ግንባር ኢህኤዴግ ውህደት ለመፍጠር የቀየሰው አቅጣጫ በፌዴራል ስርዓቱና በህገ-መንግስቱ የተቀመጡ መብቶችን ይበልጥ የሚያጠናከር እንደሆነ የጋምቤላ ክልል ርዕሰ-መስተዳድር አቶ ኡሞድ ኡጁሉ አስታወቁ።

ርዕሰ-መስተዳደሩ ከኢትዮጵያ ዜና አገልግሎት ጋር በነበራቸው ቆይታ አንደገለጹት ኢህአዴግ ባለፉት 28 ዓመታት ሀገሪቱን በመራበት ጊዜ በሀገራዊ ውሳኔዎች ላይ አምስቱን አጋር ድርጅቶች ያካተተ አልነበረም።

ጋምቤላን ጨምሮ አምስቱ አጋር ድርጅቶች ከግንባሩ ጋር ተካተው በሚወሰኑ ሀገራዊ ጉዳዮች ተሳታፊ ለመሆን ጥያቄዎችን ሲያቀረቡ ቢቆዩም በተለያዩ ምክንያቶች ምላሽ ሳያገኙ መቆየታቸውን ተናግረዋል።

አጋር ድርጅቶች በሚወሰኑ ጉዳዮች ላይ ብቻ ሳይሆን በሀገሪቱ ያላቸው የስልጣን ውክልናም ዝቅተኛ እንደነበረ አመልክተዋል። የሀገሪቱ ጠቅላይ ሚኒስትር የሚሰየመውም ከግንባሩ አራት ድርጅቶች በስተቀር አምስቱ አጋር ድርጅቶችን እንደማያካትት ጠቁመው “አዲስ የሚመሰረተው ፓርቲ ግን ሁሉንም የሚያሳትፍና አቅምን መሰረት ያደረገ ይሆናል” ብለዋል።

በጥቅሉ ባለፉት ዓመታት አጋር ድርጅቶቹ ያልተሳተፉበትን ሀገራዊ ውሳኔ እንዲተገብሩ ሲደረግ መቆየቱንም ተናግረዋል። “በመሆኑም አዲሱን ለውጥ ተከትሎ የኢህአዴግ አጋር ድርጅቶች የተካተቱበት አንድ ፓርቲ ለመመስረት የተቀየሰው አቅጣጫ ለሁሉም ህዝቦች በሀገራቸው ጉዳይ ላይ እኩል የመወሰን መብትን የሚያረጋግጥ ነው” ብለዋል።

በሀገሪቱ እየተተገበረ ያለው ፌዴራሊዝም አጋር ድርጅቶች ጭምር የመሰረቱት እንደመሆኑም ውህደቱ በፌዴራል ስርዓቱና በህገ-መንግስቱ የተቀመጡ መብቶችን ይበልጥ የሚያጠናከር እንጂ የሚሸራርፍ እንዳለሆነም ገልጸዋል።

ስለሆነም ክልሉን የሚመራው የጋምቤላ ህዝቦች አንድነት ዴሞክራሲያዊ ንቅናቄ/ጋህአዴን ለውህደት የተቀየሰው ሃሳብ ቀደም ሲል ሲነሱ ለነበሩ ጥያቄዎች ምላሽ የሚሰጥ በመሆኑ ለተግባራዊነቱ እንደሚሰራ


yeahun

0 Comments

Your email address will not be published. Required fields are marked *

0Shares