ልጅ ለመውለድ ያቀዱ ወንዶች ከስድስት ወር ቀደም ብለው የአልኮል መጠጥ ማቆም እንደሚገባቸው አንድ ጥናት አመለከተ


ለእናቶች የአልኮል መጠጥ በእርግዝና ወቅት እና ከእርግዝና በፊት መጠጣት ለጽንስ ጤንነት የማይመከር እንደሆነ ይታወቃል፣ አዲስ በወጣ ጥናት ደግሞ ወንዶችም ለማስረገዝ ሲያቅዱ አልኮል መጠጣት ማቆም እንዳለባቸው አትቷል፡፡

ልጅ ለመውለድ የሚያቅዱ ወንዶች ለህጻኑ የልብጤንነት ሲባል ከስድስት ወር ቀደም ብለው የአልኮል መጠጥ ማቆም እንደሚገባቸው በአሜሪካ የተሰራ አንድ ጥናት አመለከተ፡፡

አልኮል የሚጠጡ ወንዶች ፅንስ ከመፀነሱ በፊት ባሉት ሦስት ወራት ውስጥ ከማይጠቱት ጋር ሲነጻጸሩ 44 በመቶው የሚሆኑት በልብ በሸታ የተያዙልጆችን የመውለድ ዕድላቸው ከፍተኛ ነው ተብሏል፡፡

አባቶች ከመጠን በላይ ጠጪ ከሆኑ፣ ይህም በአንድ ጊዜ አምስት ወይም ከዚያ በላይ ብርጭቆዎችን የሚጠጡ ከሆነ ልጃቸው በልብ በሽታ የመያዝ ዕድሉ 52 በመቶ ከፍ እንደሚልም ተገልጿል፡፡

ከመፀነሳቸው በፊት የሚጠጡ እናቶች ከማይጠጡት ጋር ሲነጻጸር ልጆቻቸው በበሽታው የመያዝ እድላቸው 16 ከፍ እንደሚል ተነግሯል፡፡
አንዲት ሴት ከማርገዟ አንድ ዓመት ቀደም ብሎ እና በእርግዝና ወቅት የአልሆል መጠጥ ማቆም እንደሚኖርባት ተነግሯል፡፡

ከ33 ህጻናት ውስጥ አንዱ በወሊድ ወቀት ለሚከሰቱ እና ህጻናቱን ለሞት ለሚዳርጉ ችግሮች ተጋላጭ ነው ከነዚህ ችግሮች መካከል የልብ ህመም የተለመደ እንደሆነ ተነግሯል፡፡


yeahun

0 Comments

Your email address will not be published. Required fields are marked *

0Shares