የአዲስ አበባ ውሃና ፍሳሽ ባለስልጣን ከ80 ሚሊየን ብር በላይ አልተከፈለኝም


ባለስልጣኑ ዛሬ በመስሪያ ቤቱ አዲስ የጀመራቸውን አገልግሎቶች በተመለከተ መግለጫ ሰጥቷል፡፡በመግለጫውም በአዲስ አበባ የሚገኙ 3 ሺ የሚጠጉ ድርጅቶች 80 ሚሊየን ብር የአገልግሎት ሒሳብ አልከፈሉኝም ብሏል፡፡

በመቶ ሺ የሚቆጠሩ የግል ደንበኞችም ሒሳባቸውን ለመክፈል በመወላወል ላይ ናቸው ብሏል፡፡የባለስልጣኑ የደንበኞች አገልግሎት ምክትል ዋና ስራ አስኪያጅ ዛሬ በሰጡት መግለጫ እነዚህ ድርጅቶችና የግል ደንበኞች እስከ መስከረም 18 ቀን 2012 ድረስ የአገልግሎት ውዝፍ ክፍያቸውን የማይፈፅሙ ከሆነ አገልግሎት ከማቋረጥ ጀምሮ በፍርድ ቤት እስከመክሰስ የሚደርስ እርምጃ እንደሚወስዱ ተናግረዋል፡፡

ምክትል ስራ አስኪያጁ እንደተናገሩት አዲስ በጀመሩት የኢትዮጵያ ንግድ ባንክ የሲቢኢ ክፍያ ጋር በተያያዘ አንዳንድ እክሎች እየገጠሟቸው መሆኑንና ይህንንም ለመቅረፍ 350 የሚደርሱ ባለሙያዎችን በሁሉም በአዲስ አበባ በሚገኙ ንግድ ባንክ ቅርንጫፎች ባለሙያዎችን በመመደብ የግንዛቤ መስጠት ስራ እየሰሩ መሆኑን ተናግረዋል፡፡560 ሺ ለሚጠጉ ደንበኞች ደግሞ የቤት ለቤት ማስተማር ስራ እየሰጡ መሆኑንም ተናግረዋል፡፡


yeahun

0 Comments

Your email address will not be published. Required fields are marked *

0Shares