ዘንድሮ በአዲስ አበባ 50 ኪ.ሜ የሚሆን የእግረኛ መንገድ ግንባታ ይከናወናል


የአዲስ አበባ ከተማ መንገዶች ባለስልጣን በተያዘው 2012 በጀት ዓመት ውስጥ 50 ኪ.ሜ የሚሆን የግረኛ መንገዶች የመልሶ ግንባታ ስራ ያከናውናል፡፡ ባለስልጣን መስሪያ ቤቱ በ2012 በጀት ዓመት ውስጥ ከ110 ሚሊዮን ብር በላይ በጀት በመመደብ ለእግረኞች እንቅስቃሴ አስቸጋሪ ሆነው የቆዩ የእግረኛ መንገዶችን ምቹና ዘመናዊ በሆነ መልኩ መልሶ የመገንባት ስራ ያከናውናል፡፡

እነዚህ ዘመናዊ የእግረኛ መንገዶች ጥራታቸውን በጠበቀ መልኩ ከጥቅምት ወር 2012 ዓ.ም ጀምሮ ከ20 በላይ በሚሆኑ ጥቃቅንና አነስተኛ ኢንተርፕራይዞች አማካኝነት የግንባታ ስራቸው መከናወን ይጀምራል፡፡

ባለስልጣን መስሪያ ቤቱ ላለፉት ሁለት ዓመታት ከስድስት ኪሎ ሽሮ ሜዳ ከሰሜን ሆቴል-ሰሜን ማዘጋጃ ከሰሜን ማዘጋጃ አዲሱ ገበያ ከጊዮርጊስ ቤተ ክርስቲያን ወደ አቡነ ጴጥሮስ እና ሌሎች ቦታዎችን ጨምሮ ከ53 ኪሜ በላይ የእግረኛ መንገዶችን እንደገና በመገንባት ለእንቅስቃሴ ምቹ የማድረግ ስራዎችን ማከናወኑ የሚታወስ ነው፡፡

በአዲስ አበባ ከተማ እየተገነቡ የሚገኙ የእግረኛ መንገዶችን ህብረተሰቡ በመጠበቅና በመንከባከብ እንዲሁም መንገዶች ላይ የሚስተዋለውን ህገወጥ ተግባር በመከላከል መንገዶቹ ለታለመላቸው አላማ ብቻ እንዲውሉና ተገቢውን አገልግሎት እንዲሰጡ ለማስቻል የጋራ ሀብት የሆነውን የእግረኛ መንገድ በጋራ እንዲሰራ ባለስልጣን መስሪያ ቤቱ ጥሪውን ያቀርባል፡፡

(ምንጭ የአ/አ መንገደዶች ባለስልጣን)


yeahun

0 Comments

Your email address will not be published. Required fields are marked *

0Shares