ዶ/ር ወርቅነህ ገበየሁ በተባበሩት መንግሥታት ድርጅት ተሹመዋል ቢባልም ላለፉት ስድስት ወራት ሥራ አልጀመሩም


193

የውጭ ጉዳይ ሚኒስትር የነበሩትና በቅርቡ በተባበሩት መንግሥታት ድርጅት መሾማቸው የተነገረላቸው ዶ/ር ወርቅነህ ገበየሁ ሥራ እንዳልጀመሩ ተረጋገጠ፡፡
.
ጋዜጠኛ ኤልያስ መሰረት አጣርቶ እንደዘገበው ዶ/ር ወርቅነህ ተሹመዋል ከተባለ ስድስት ወራት ያለፋቸው ቢሆንም እስከአሁን ሥራ አለመጀመራቸውን ማረጋገጡን ዘግቧል፡፡ የኤልያስ ዘገባ እነሆ፡፡
.
“በቅርቡ ኢሳት “የውጭ ጉዳይ ሚኒስትር የነበሩት ዶ/ር ወርቅነህ ገበየሁ የተባበሩት መንግስታት ሥራቸውን እንዳልጀመሩ ታወቀ” የሚል ዘገባ ይዞ ወጥቶ ነበር። እንደዘገባው ከሆነ ሹመቱ ሳይሰረዝ አልቀረም ተብሏል። እንግዲህ የተባበሩት መንግስታት ድርጀት ዋና ጸሃፊ አንቶንዮ ጉቴሬዝ ዶ/ር ወርቅነህን ኬኒያ የሚገኘው የተባበሩት መንግስታት ድርጀትት ጽ/ቤት ዳይሬክተር ጄነራል አድርገው ከሾሙ 6 ወር አልፎታል። እኔም ይህን ጉዳይ ለማጣራት ናይሮቢ የሚገኘው የተመድ ቢሮ እና ኒው ዮርክ የሚገኘው ዋና መስሪያ ቤትን ሳናግር ነበር። የተመድ ዋና ፀሀፊ አንቶኒዮ ጉቴሬዝ ቃል አቀባይ ስቴፈን ዱጃሪክ የሰጠኝ መልስ “አስተያየት የለኝም” ነበር። ከዛ ግን አንድ እዛዉ ኒው ዮርክ ያለ አንድ ከፍተኛ የተመድ ሀላፊ “ዶ/ር ወርቅነህ እስካሁን ስራ እንዳልጀመሩ እርግጠኛ ሆኜ ልነግር እችላለሁ። እስካሁን ስራ ለምን እንዳልጀመሩ እንዲሁም ሹመቱ ተሰርዟል ወይ ብለህ ለጠየቅከኝ ግን መልስ መስጠት አልፈልግም” ብለውኛል። ስለዚህ የኢሳት ዘገባ ትክክል እንደነበር መናገር ይቻላል።”

የኢሳት የነሐሴ 29 ቀን 2011 ዓ.ም ዘገባ እነሆ

የውጭ ጉዳይ ሚኒስትር የነበሩት ዶ/ር ወርቅነህ ገበየሁ የተባበሩት መንግስታት ሥራቸውን እንዳልጀመሩ ታወቀ።የተባበሩት መንግስታት ድርጀት ምንጮች ሹመቱ ሳይሰረዝ እንዳልቀረም ለኢሳት ገልጸዋል።

የተባበሩት መንግስታት ድርጀት ዋና ጸሃፊ ሚስተር አንቶንዮ ጉተሬዝ ዶ/ር ወርቅነህን ኬኒያ የሚገኘው የተባበሩት መንግስታት ድርጀትት ጽ/ቤት ዳይሬክተር ጄነራል አድርገው የሾሟቸው እ/ኤ/አ መጋቢት 8 /2019 ቢሆንም ፣ዶ/ር ወርቅነህ ባለፈው 6 ወር በሥራ ገበታቸው ላይ አልተገኙም።

ድርጅቱን በግዚያዊነት የሚመሩት ሚስተር ሲድሃርት ቻተርጄ እንዲሁም ሚስ አናሊዛ ኮንቴ እና ሚስ ማሙናህ ሸሪፍ መሆናቸውንም ምንጮች ለኢሳት ገልጸዋል።ናይሮቢ የሚገኙ የድርጅቱ ሰራተኞች የዶ/ር ወርቅነህ ሹመት መሰረዙን በመናገር ላይ ሲሆኑ፣ምክንያቱ ግን አልተገለጸም።

ኢሳት በጉዳዩ ላይ ማብራሪያ ለማግኘት የተባበሩት መንግስታት ድርጅት ቃል አቀባይ የሆኑትን ሚስተር ስቴፈን ዱጃሪክን እንዲሁም ራሳቸውን ዶ/ር ወርቅነህ ገበየሁን ለማግኘት ያደረገው ሙከራ አልተሳካም።”


Like it? Share with your friends!

193
yeahun

0 Comments

Your email address will not be published. Required fields are marked *

Pin It on Pinterest