ዩኒቨርሲቲው የግዕዝ ቋንቋን በመጀመሪያ ዲግሪ መርሀ ግብር ሊያስተምር ነው፡፡


143

የመጥፋት አደጋ የተጋረጠበትን የግዕዝ ቋንቋ ለመታደግ በአዲሱ የትምህርት ዘመን በመጀመሪያ ዲግሪ መርሀ ግብር ለማስተማር መዘጋጀቱን ጎንደር ዩኒቨርሲቲ አስታውቋል፡፡

የዩኒቨርሲቲው የአካዳሚክ ምክትል ፕሬዝዳንት ካሳሁን ተገኘ (ዶክተር) ለኢዜአ እንደተናገሩት ኢትዮጵያ የግዕዝ ቋንቋ ባለቤት ብትሆንም ለቋንቋው ማደግና መስፋፋት የተሰጠው ትኩረት አነስተኛ ነው።

በዚህም የተነሳ ቋንቋው የመጥፋት አደጋ ተጋርጦበታል፡፡ በግዕዝ ቋንቋ የተጻፉ በርካታ የብራና መጽሐፍትንም ለጥናትና ምርምር ሥራ ማዋል አልተቻለም ብለዋል።

ዘመናት የተሻገሩና በቋንቋው የተጻፉ ለዘመናዊ ህክምና ሙያ የሚያግዙ፣ ምጣኔ ሀብታዊ፣ ባህላዊ እና ታሪካዊ ፋይዳ ያላቸው በርካታ መጽሐፍትም በኃይማኖት ተቋማትና ገዳማት ተወስነው እንደሚገኙ ነው ዶክተር ካሳሁን የተናገሩት፡፡

ዩኒቨርሲቲው እነዚህን ቁሳዊና መንፈሳዊ እሴት የያዙ መጽሐፍት ከትውልድ ወደ ትውልድ እንዲሸጋገሩ ለማድረግ ስርዓተ ትምህርት ተቀርጾ የግዕዝ ቋንቋን ለማስተማር ዝግጅት ተደርጓል ነው ያሉት።

በትምህርት ዘመኑ 50 ተማሪዎችን ተቀብሎ ለማስተማር ዝግጅት መደረጉን፣ ትምህርቱም በማታውና በክረምት መርሀ ግብሮች እንደሚሰጥ አስረድተዋል።


Like it? Share with your friends!

143
yeahun

0 Comments

Your email address will not be published. Required fields are marked *

Pin It on Pinterest