Press "Enter" to skip to content

በኦንላይን ፓስፖርት የማደስ አገልግሎት ነገ እንደሚጀመር የኢሚግሬሽን ዜግነትና ወሳኝ ኩነት ኤጀንሲ አስታወቀ፡፡

በኦንላይን ፓስፖርት የማደስ አገልግሎት ነገ እንደሚጀመር የኢሚግሬሽን ዜግነትና ወሳኝ ኩነት ኤጀንሲ አስታወቀ፡፡ በተመሳሳይ በኦንላይን ለአዲስ ፓስፖርት ቀጠሮ የማስያዝ አገልግሎትም ይጀምራል ተብሏል፡፡

የኦንላይን አገልግሎቱ ጥቅምት 10/2013 ይጀመራል ተብሎ የነበረ ቢሆንም ባጋጠመ የኔትወርክ ችግር ምክንያት ሳይጀምር መቆየቱን በኤጀንሲው የህዝብ ግንኙነት እና ኮሙኒኬሽን ዳይሬክተር አቶ ደሳለኝ ተሬሳ በተለይ ተናግረዋል፡፡ችግሩ አሁን ተቀርፎ በነገው ዕለት አገልግሎት መስጠት እንደሚጀምር አቶ ደሳለኝ ገልጸዋል። ኔትወርክ የመቆራረጥ ችግር ሲገጥም እንደማንኛውም ተገልጋይ አመልካቾች በአካል መጥተው መስተናገድ ይችላሉ ብለዋል።

ከአየር መንገድ፣ ከኢትዮ ቴሌኮም እና ከንግድ ባንክ ጋር በቅንጅት እየተሰራ መሆኑን የገለጹት አቶ ደሳለኝ የኦንላይን ስርዓቱ ደህንነት የተጠበቀ መሆኑን ገልጸዋል።ከክፍያ አንፃር ለ32 ገጽ ፓስፖርት 600 ብር እንዲሁም ለ64 ገጽ ፓስፖርት 2 ሺህ 186 ብር የሚከፈል መሆኑን ኃላፊው ተናግረዋል። ክፍያው በኢትዮጵያ ንግድ ባንክ ተከፍሎ በኦንላይ አድራሻ ላይ አባሪ መሆን እንዳለበት ተገልጿል።

Be First to Comment

Leave a Reply

Your email address will not be published. Required fields are marked *