Press "Enter" to skip to content

“ለሚድያዎች ተናግራችሗል ተብለን የአየር ማቀዝቀዣው ተዘግቶብናል” በሳውዲ እስር ቤት የሚገኙ ኢትዮጵያውያን

“ለሚድያዎች ተናግራችሗል ተብለን የአየር ማቀዝቀዣው ተዘግቶብናል” በሳውዲ እስር ቤት የሚገኙ ኢትዮጵያውያን ከነገሩኝ (በጋዜጠኛ ኤሊያስ መሠረት) በቅርቡ አምነስቲ ኢንተርናሽናል በሳውዲ እስር ቤት ያሉ ኢትዮጵያውያንን ሁኔታ አስመልክቶ ያወጣውን ሪፖርት ተንተርሶ እኔ ለAP የፃፍኩትን ጨምሮ በርካታ አለም አቀፍ እና የሀገር ውስጥ ሚድያዎች ጉዳዩን ዘግበውታል።

እኔ በሰራሁት ዜና ላይ ስሙ እንዲሁም ያለበት ቦታ ሳይጠቀስ ያናገርኩት ግለሰብ ዛሬ ጠዋት በድብቅ ይዞት በሚገኘው ስልክ ደውሎልኝ እንዲህ አለኝ: “በቅርብ ቀናት ያለንበት ሁኔታ ጭራሽ እየባሰ ነው፣ ለሚድያ ተናግራችሗል ተብለን የአየር ማቀዝቀዣው (Air Conditioning) ተዘግቶብናል፣ በዚህም ላባችን ከጣርያው ላይ እንደ ዝናብ እየወረደብን ይገኛል።

አንድ ቤት ውስጥ 350 አካባቢ ነበርን፣ አሁን በየቀኑ የሰዉ ቁጥር እየጨመረ ይገኛል። የኤምባሲ ሰዎች ሲመጡ ብዙም አያናግሩንም፣ የሌሎች ሀገራት ኤምባሲዎች ግን ችግራቸውን ሰምተው የቁሳቁስ ድጋፍ ይዘው ይመጣሉ። ችግራችንን ለመንግስትም፣ ለህዝብም አሳውቅልን።”

Be First to Comment

Leave a Reply

Your email address will not be published. Required fields are marked *