Press "Enter" to skip to content

ፕሮፌሰር ፈትየን ዓባይ የመቀለ ዩኒቨርስቲ ፕሬዚዳንት በመሆን ተሾሙ

በትናንትናው ዕለት ለ8 ዓመታት በፕሬዚዳንትነት ካስተዳደሩት መቐለ ዩኒቨርሲቲ ኃላፊነታቸው የተነሱትን ፕሮፌሰር ክንዴያ ገብረ ሕይወትን በመተካት ፕሮፌሰር ፈትየን ዓባይ በዛሬው ዕለት ተሹመዋል። የውቅሮዋ ተወላጅ ፕሮፌሰር ፈትየን የዕፅዋትና አዝርዕት ተመራማሪ ሳይንቲስት ሲሆኑ በመቐለ ዩኒቨርሲቲ በመምህርነት ከማገልገላቸውም አስቀድሞ በገጠራማ የአማራና ኦሮሚያ ክልሎች

በልማት ስራዎች ላይ ሰፊ አገልግሎት ሰጥተዋል። በሃዋሳ ግብርና ዩኒቨርሲቲ በዕፅዋት ሳይንስ በዲፕሎማ፣ ከሃሮማያ ዩኒቨርሲቲ እንዲሁ በዕፅዋት ሳይንስ የመጀመሪያ ድግሪ፣ ከዩኒቨርሲቲ ኦፍ ዌልስ የማስተርስ ድግሪ፣ ከኖርቬጅያን ዩኒቨርሲቲ የዶክትሬት ድግሪ ያገኙት ፕሮፌሰር ፈትየን በመቐለ ዩኒቨርሲቲ የመጀመሪዋ ሴት መምህርት በመሆንም ስማቸውን በታሪክ መዝገብ ላይ ያሰፈሩ ናቸው።

Be First to Comment

Leave a Reply

Your email address will not be published. Required fields are marked *