Press "Enter" to skip to content

የኦሮሞ ነጻነት ግንባር (ኦነግ) ሁሉን ያቀፈ እና አሳታፊ የሆነ ሰፊ የኦሮሞ ምክክር መድረክ እንዲካሄድ ጥሪ አቀረበ።

ፓርቲው በሂልተን ሆቴል በሰጠው መግለጫ፤ ውይይቱን የማካሄጃ “ጊዜው አሁን ነው” ብሏል።ውይይቱ የኦሮሞ ፖለቲካ ፓርቲዎች፣ የኦሮሞ ልሂቃን አክ ቲቪስቶች፣ አባ ገዳዎች፣ የእምነት አባቶች፣ የሃገር ሽማግሌዎች፣ የተለያዩ የኦሮሞ ህዝብ ጥቅም አራማጅ ድርጅቶች (civic organizations) እና ቄሮና ቀሬን ያሳተፈ እንዲሆን ጠይቋል።

ውይይቱ ላይ የኦነግ ነባርና መስራች አባላት፣ የቀድሞ የኦነግ አባላት እንዲሁም በተለያየ ምክንያት ከድርጅቱ የራቁ፣ ከድርጅቱ ጋር ትስስር ያላቸውና ግዴታቸውን የተወጡ እና በመወጣት ላይ ያሉ አባላትን ያቀፈ መሆን እንዳለበት ጠቁሟል።

ከዚህ በተጨማሪ ግንባሩ 600 የሚሆኑ አባላቱ በመንግስት እንደታሰሩበት አስታውቋል።በርካታ አባላት ስላሉን መቶ በመቶ ሰላማዊ ትግሉን ተቀብለው ይንቀሳቀሳሉ የሚል ሙሉ እምነት የለንም ብሏል። በሰላማዊ መንገድ ለመታገል ብንወስንም የድርጅታችን አመራሮች እና አባላትን ማሰር እና ማጠልሸት እየተሰራ ነው።

በኦነግ እና በሕወሓት መካከል አለ እየተባለ የሚወራውም ፍፁም ሀሰት እና የሁለቱ ድርጅቶች ግንኙነት የጦርነት ግንኙነት ነው የነበረው ሲል ኦነግ አስታውቋል። (ኢትዮጵያ ኢንሳይደር & አዲስ ማለዳ)

Be First to Comment

Leave a Reply

Your email address will not be published. Required fields are marked *