Press "Enter" to skip to content

የተስፋዋ እመቤት ሙኒባ ማዛሪ

ሙኒባ ማዛሪ ትባላለች። ፓኪስታናዊ ነች። በ18 ዓመቷ ነበር በቤተሰቧ አስገዳጀነት ትዳር የመሰረተችው።ትዳር በመሰረተች በሁለተኛ ዓመቱ ከባለቤቷ ጋር ስትጓዝ የመኪና አደጋ ገጠማት ። በደረሰባት አደጋም የከፋ የጀርባ አጥንት ስብራትን ጨምሮ ውስብስብ የጤና እክል ገጠማት።

በተለያዩ ሆስፒታሎች ህክምና ቢደረግላትም ዳግም በእግሮቿ መራመድ ግን አልቻለችም። ይሄን በሰማች ጊዜም ለመቀበል ከበዳት።ይባስ ብሎ መውለድ እንደማትችል ሲነገራት ደግሞ ሁሉም ነገር በዜሮ ተባዝቶ ቁጭ አለ። ተስፋ ቆረጠች። በርካታ የፈተና እና የመከራ ጊዚያትን በሆስፒታል ቆይታዋ አሳለፈች። ነገር ግን መከራዋ እና ፈተናዋ አብሮት አልዘለቀም።

ከዕለታት አንድ ቀን በጥዋት ተነስታ “ተስፋ መቁራጥ አማራጭ አይደለም!ተስፋ መቁራጥ ደስታን ነጣቂ ክፉ በሽታ ነው!” የሚለውን ደጋግማ ለራሷ ነገረች። ከዛም ፍርሃቷን አንድ በአንድ በመፃፍ አቃጠለችው።በሆስፒታሉ ግድግዳ ተስፈዋን የሚያለመልም እና ከፍታዋን የተሸከሙ ስዕሎችን መሳል ጀመረች።

መልከ መልካሟ ሙኒባ የከፋ አደጋ በህይዎቷ አሰናክሏት የአካል ጉዳተኛ በመሆኗ “አበባዋ ረገፈ!” ሲሏት ተስፋ” ባለመቁረጥ ያሳየችው የመንፈስ ጥንካሬዋ አዳናት። ሙኒባ ከምትፈልገው እና ከምታስበው በላይ ትልቅ ደረጃ የላቀ ቦታ ላይ ደርሰች። ተስፋ ሳትቆርጥ ባደረገችው ግስጋሴ ዛሬ ላይ ሙኒባ ማዛሪ በአለማችን ተጽዕኖ ፈጣሪ ከሚባሉት እንስቶች መካከል አንዷ ሆናለች። የተባበሩት መንግስታት የመልካም ሰው ክቡር አንባሳደር ተብላ አለም በስኬት ክብር ከሚያወድሷቸው ጥቂት አንደበተ ርቱዕ ታዋቂ ሰዎች መካከል አንዷ ሙኒባ ሆናለች።

አነቃቂ ንግግሮችን ለብዙ ሺዎች ተናጋሪ፣ ድምፃዊ፣ ሰዓሊና በጎ አድራጊም ሆናለች። ፈጣሪዋን ተማልዳ ተስፋ ሳትቆርጥ ባደረገችው ግስጋሴ ልጅ መወለድ ባትችል እንኳ በማደጎ ልጅ አግኝታ ህይዎቷ ባጣችው የልጅ ፍቅር ታድሷል። በሰው ልቦና ሊረሱ የማይችሉ ስራዎችንም እየሰራች ትገኛለች። በኑሮዋም ቅንጡ ቤት ቅንጡ መኪናዎች አሏት። ታሪኳ ልብ የሚነካ ቢሆንም መደምደሚያው ግን ስኬት ነው። ምክኒያቱ ደግሞ እርሷ እንደምትለው ከመሞቷ በፊት ስላልሞተች። የትኛዉም ምክንያት ለዉድቀትህ ምክንያት አይሆንም ምክንያቱ እኛዉ ነን። ምንጭ ቡክ ፎር ኦል

Be First to Comment

Leave a Reply

Your email address will not be published. Required fields are marked *