Press "Enter" to skip to content

የአቡነ ጴጥሮስ ምስጢራዊ የቀብር ቦታ መንግስት እና ቅዱስ ሲኖዶስ በጽኑ ሊያስቡበት የሚገባ

ፋሺስት ጣሊያን በ1928 ዓ.ም. ሐምሌ 22 ቀን ብፁዕ አቡነ ጴጥሮስን ገድሎ አስክሬናቸው አደባባይ ላይ ጥሎ ከዋለ በኋላ ቀብራቸው በምሥጢር መፈጸሙ ይናገራሉ፡፡

የእኚህን ታላቅ አባት ቀብር በምሥጢር የተፈጸመበት ቦታ ለማግኘት የተለያዩ ምሁራን በአገር ውስጥም ሆነ በውጭ ያሉ የታሪክ ሰነዶችን ሲመረምሩ ቢቆዩም ‹‹ከአዲስ አበባ በስተደቡብ በምሥጢር ቀበሯቸው›› ከሚል ከመላምት ያለፈ ነገር ምንም ዓይነት የተረጋገጠ ማስረጃ ሳይገኝ
ቆይቶ ነበር፡፡

ነገር ግን ከበርካታ ዓመታት በኋላ በ1975 ዓ.ም. ገደማ ከአዲስ አበባ ከተማ መስፋፋት ጋር ተያይዞ ‹‹ፉሪ ለቡ›› ተብሎ በሚታወቀው አካባቢ የሚኖሩ የኦርቶዶክስ ተዋህዶ ምዕመናን በአካባቢው ተወልደው ካደጉ አረጋውያን ጋር ባደረጉት ማኅበራዊ ግንኙነት ሰማዕቱ ብፁዕ አቡነ ጴጥሮስ ፋሽስቶች በመኖርያነትና በእስር ቤትነት ይጠቀሙበት በነበረው ‹‹ሙኒሳ ጉብታ›› ላይ መቀበራቸውን ከወላጆቻቸው ሲሰሙ እንዳደጉ እየተነገረ ይገኛል፡፡ ይህም መረጃ ከዛሬ 34 አመታት በፊት በትንሣኤ መጽሔት ቁ.58 1978 ዓ.ም በታተመ ማስታወሻ ላይ ሰፍሮ ይገኛል።

ጉዞ ዓድዋ ላለፉት 4 አመታት የብፁዕ አቡነ ጴጥሮስ ሰማዕትነት ዕለት ትኩረት እንዲሰጠው የበኩሉን አስተዋጽዖ ሲታበረክት መቆየቱ ይታወሳል። የብፁዕ አባታችን አቡነ ጴጥሮስ አጽም በቅዱስ ሲኖዶስ መሪነት በመንግስት አጋዥነት በስውር ከተቀበሩበት ይህ ቦታ አፍልሶ አጽማቸውን በክብር እንዲያስቀምጥ ተግባራዊ እንቅስቃሴ መጀመሩን በማብሰር በዚህ እንቅስቃሴ ላይ መላው ሐገር ወዳድ ኢትዮጵያዊ የእንቅስቃሴው አጋር እንዲሆን ጥሪያችንን እናቀርባለን። (ጉዞ አድዋ)

Be First to Comment

Leave a Reply

Your email address will not be published. Required fields are marked *