Press "Enter" to skip to content

በዚህ ሰዓት ጥያቄው ከዶክተር ቴዎድሮስ አድሃኖም ጎን መቆም አለመቆም አይደለም። ራሱን ዶክተር ቴዎድሮስን መሆን ነው የሚያስፈልገው

ከአንድ አመት በፊት የኢትዮጵያ አየር መንገድ ንብረት የነበረው አውሮፕላን ደብረዘይት ላይ ተከስክሶ ያ ሁሉ የሰው ልጅ ህይወት ሲረግፍ ነጮች ችግሩን የኢትዮጵያ ብሎም የአፍሪካ ለማድረግ ያልፈነቀሉት ድንጋይ አልነበረም።

ችግሩ የቦይንግ አውሮፕላን ምርት እንደሆነ እየታወቀ እነሱ ግን የኢትዮጵያና የአፍሪካ አየር መንገዶች በጣም ደካማ የጥንቃቄ ድክመት  አለባቸው እያሉ የንግድ ጦርነቱን አጧጧፉት። የሆነው ሆነና ግን ኢትዮጵያ የተከሰከሰባት አውሮፕላን ስሪቱ ችግር እንዳለበት ሲታወቅ ቦይንግ ካምፓኒና ታላላቅ መንግስታት ይሄንን አውሮፕላን ከበረራ አገዱት። ችግሩ የእኛ አልነበረም።

ዛሬ ደግሞ የአለም ሀያላን እርስ በርስ የሚካሰሱበትን የኮሮና ቫይረስ ጥፋት ወደኢትዮጵያ እየገፉት ነው። ዶክተር ቴዎድሮስ አድሃኖምን ከአለም ጤና ድርጅት መሪነት ለማስነሳት ዘመቻ ጀምረዋል።

ቁምነገሩ በዚህ ሰዓት ከዶክተር ቴዎድሮስ አድሃኖም ጎን መቆም አለመቆም አይመስለኝም። ከዚያ ይልቅ ዶክተር ቴዎድሮስን ራሱን መሆን ነው የሚያስፈልገው።

እንዴት ምናምን የሚል ጥያቄ አያስፈልግም። የአለም የጤና ድርጅት አፍሪካዊ ደም ባለበት ሰው እየተመራ የኮሮናን ህክምና በአፍሪካውያን ላይ እንሞክራለን ያሉ አዕምሮአቸው በጥላቻ የተሞላ ነጮች ዛሬ በቴዎድሮስ ላይ ዘመቻ መክፈታቸው ሊያስገርመን አይገባም። ችግሩን ከእነሱ መግፋት እንጅ ማመንን አይፈልጉም። እነሱ ባመጡት ጦስ እኛ ሀላፊነት አንወስድም። ችግሩ የእነሱ እንጅ የዶክተር ቴዎድሮስ አይደለም። ችግሩ የእነሱ ነው የኛ አይደለም። ጥላሁን ጽጌ

Be First to Comment

Leave a Reply

Your email address will not be published. Required fields are marked *