Press "Enter" to skip to content

በኮረና ቫይረስ ሳቢያ የተጣለውን ገደብ የሚጥሱ ኡጋንዳውያን አርባ ጅራፍ ይጠብቃቸዋል – ዩዌሪ ሙሰቬኒ

አፍሪቃዊቷ አገር ዑጋንዳ፣ ህዝቦቿን ከኮሮና (ኮቪድ 19) ቫይረስ ሥርጭት ለመታደግ፣ የተለያዩ አርምጃዎችን መውሰድ ቀጥላለች፤ በዛሬው ዕለት የሕዝብ መጓጓዣ አገልግሎት የሚሰጡ አቡቶቡስ፣ ሎንቺና፣ ሚኒ ባስ፣ ቦዳ-ቦዳ (ሞተር ባይስክል) እና ሌሎች ህዝባዊ አገልግሎቶችን ሁሉ ለሁለት ሳምንት ከአገልግሎት ውጪ እንዲሆኑ አድርጋለች፡፡

የጭነት መኪናዎች መሠረታዊ የምግብ ፍጆታና አስፈላጊ የሕክምና እና ለችግሩ ጠቃሚ የአገልግሎት ቁሳቁሶችን ለማዘዋወር ብቻ እንዲውሉ የተፈቀደ ሲሆን፣ የቤት መኪናዎችም እንዲንቀሳቀሱ ተፈቅዶላቸዋል፡፡

የሀገሪቱ መንግሥት ትልልቅ የመገበያያ ሥፍራዎችን ቀደም ብሎ የዘጋ ሲሆን፣ ከምግብና ከመሠረታዊ የፍጆታ ዕቃዎች አቅርቦት ውጪ ያሉትን ትንንሽ ሱቆች ሁሉ ዝግ እንዲሆኑ አድርጓል፡፡ በዚህ የተነሳም ከተማው ሁሉ ረጭ ማለቱን ከሥፍራው ያገኘነው መረጃ ያመላክታል፡፡

የመንግሥት የደህንነት ኃይሎችና ሠራዊት ከአስቸኳይ ጊዜ የሕግ ማዕቀፍ ውጪ የሆኑ ግለሰቦችን፣ ማኅበረሰቦችና ኃይሎች ዓዋጁን በማስጠበቅ ላይ ናቸው ተብሏል፡፡

ኢትዮ ኦንላይን እንደ ዘገበው

Be First to Comment

Leave a Reply

Your email address will not be published. Required fields are marked *