SHARE

የኢትዮጵያ ኦርቶዶክስ ተዋህዶ ቤተክርስቲያን ተቋማት ከነገ ጀምሮ ሙሉ በሙሉ ስራ እንዲያቆሙ ዉሳኔ አሳለፈች፡፡

ቋሚ ሲኖዶሱ ዛሬ ባደረገዉ ስብሰባ፣የሚከተሉትን የስራ ክፍሎች በጊዜያዊነት ዘግቷል፡፡
ከጠቅላይ ቤተ-ክህነት ጀምሮ የመንበረ ፓትሪያርክ ቅርሳ-ቅርስ ቤተ-መጻህፍት ወመዘክር፣ጉብኝትና የንባብ አገልግሎት ሙሉ በሙሉ ተዘግተዋል፡፡

በጠቅላይ ቤተ ክህነት ስር ከአዲስ አበባ እስከ አህጉረ ስብከት ያሉ፤መንፈሳዊ ዩኒቨርሲቲዎች፣መንፈሳዊ ኮሌጆች፣ስልጠና ያልጀመሩ የካህናት ማሰልጠኛዎች፣መዋዕለ ህጻናትና የአብነት ትምህርት ቤቶች ላልተወሰነ ጊዜ የመማር ማስተማሩ ስራ እንዲቆም ተወስኗል።

ከዚህ ባሻገር ግን ከመንበረ ፓትሪያርክ ጠቅላይ ጽ/ቤት እስከ መላዉ አህጉረ ስብከት ጽ/ቤት፣ለአስቸኳይ ስራ ከሚፈለጉና ተለይተዉ እንዲቆዩ ከሚደረጉ ሰራተኞች በስተቀር መላዉ ሰራተኞች በቤታቸዉ ስራቸዉን እንዲያከናዉኑና ሲፈለጉና ጥሪ ሲደረግላቸዉ ከሚመጡ በስተቀር በቤታቸዉ እንዲቆዩ ተወስኗል፡፡

LEAVE A REPLY

Please enter your comment!
Please enter your name here