SHARE

የዓለማችን የሳይንስ ጠበብቶች ኮሮና ቫይረስን ለመዋጋት ክትባት ለማግኘት ደፋ ቀና በሚሉበት በዚህ አስጨናቂ ሰአት ዋልጌ ፓስተሮች “ከቫይረሱ እንፈውሳችኋለን” እያሉ ድህነት እና ማይምነት ያደቀቀውን ጥቁር ህዝብ በነፍሰሥጋው ይጫወቱበት ይዘዋል።

ኮሮና ቫይረስ ለዓለማችን ስቃይ ለአንዳንድ ፓስተሮች ደግሞ ሲሳይ ይዞ መጥቷል። ጥቂት ምሳሌዎችን እንጥቀስ::

1) በሀገራችን እስካሁን ኮረና ቫይረስን እፈውሳለሁ ያለ ፓስተር እስራኤል ዳንሳ ብቻ ነው። እስራኤል ዳንሳ በአዳራሽ ስብከቱ እንደተናገረውና በቴሌቪዥን ባሰራጨው መልዕክቱ “ጌታ ነግሮኛል፣ የኮረና ቫይረስ በእጄ ላይ እንደ አቧራ ሲበተን አይቻለሁ። አሁን በቫይረሱ የታመሙትን ሄጄ እጎበኛለሁ።” ሲል ተናግሯል።

2) africature.com እንደዘገበው ናይጄሪያዊው ፓስተር ኤልጃ ኢሜካ “ቻይና ሄጄ ይህንን ዓለምን ያስጨነቀውን ኮሮና ቫይረስ በጸሎቴ ድምጥማጡን አጠፋዋለሁ” ብሎ ወደ ቻይና ቢያቀናም እንኳንስ ሌሎቹን ሊያድን እራሱ በኮሮና ተለክፎ የአልጋ ቁራኛ ሆኗል።

3) Nigeria online news እንደዘገበው ደግሞ ጋናዊው ፓስተር ዳንኤል ኦቢኒም ኮሮና ቫይረስን መፈወሻ ቅብዐ ቅዱስ አግኝቻለሁ በማለት ለምእመናን ዘይት ሲቸበችብ ከርሟል።

4) ኬንት ኮፕላንድ የተባለው የ televangelical church ፓስተር ደግሞ ለየት ያለ የፈውስ ፕሮግራም አስተዋውቋል። ሰውየው እንደሚለው አማኞች ቤተክርስቲያን መምጣት ሳያስፈልጋየቸዎው የእርሱ ትምህርት በቀጥታ ሥርጭት በቴሌቪዥን መስኮት በሚተላለፍበት ወቅት በኮሮና ቫይረስ የተጠቁ ህሙማን እንደምንም ብለው የቲሌቪዥናቸውን ስክሪን ቢነኩ ይፈወሳሉ።

5) ሌላኛው የtelevangelical church ፓስተር ጂም ቤከር “ብርማው መፍትሔ” ብሎ በሰየመው “መድኃኒት” በብርማ ጠርሙስ የተሞሉ ፈሳሾችን ኮሮናን ብቻ ሳይሆን ሳርስ፣ ኤድስን እና ኢቦላን ሁሉ ድምጥማጣቸውን ያጠፋላችኋል” በማለት በ80 ዶላር ቤከር ሾው በተባለው የቴሌቪዥን ጣቢያው ለገበያ አቅርቧል።

6) kenya-today.co.ke እንደዘገበው ደግሞ ደቡብ አፍሪካ ውስጥ አንድ ፓስተር የሽንትቤት ማጠቢያ ዲቶል ፈሳሽ ኬሚካል “ኮሮና ቫይረስን ይከላከላል” በማለት ያጠጣቸው 59 አማኞች” ወድያውኑ ሞተዋል።

7) ሌላኛው ነብይ ደግሞ ሰሞኑን በደቡብ አፍሪካ ከ59 ሰዎች በላይ የገደለው ራፉስ ፉላ ነው። ይህ ፓስተር ለኮረና ቫይረስ መድሀኒት ነው በማለት የኣቃ ማጠቢያ ሳሙና (ዲቶል) ካጠጣቸው በኋላ መሞታቸው ተዘግቧል።

እነኚህ ፓስተሮች ከመደበኛው ኮሮና ቫይረስ ይከፋሉ። ምክንያቱም በክትባት አይፈወሱምና። መጽሐፍ ቅዱስ እነኚህን ለመሰሉ “ኮሮና ፓስተሮች” ሲወቅስ “የእግዚአብሔርን ቃል ቀላቅለው እንደሚሸቃቅጡት እንደ ብዙዎቹ አይደለንም” (2 ቆሮንቶስ 2፥17) በማለት ያስተማረውን ማስታወስ ጠቃሚ ነው።

ሁሉም በየቤተ እምነቱ ፈጣሪ ምህረቱን ለምድራችን እንዲልክ እንዲጸልዩ የሚበረታታ ሲሆን ከየትኛውም እምነት ውስጥ የሚገኙ አጭበርባሪ አገልጋዮችን ለይቶ ከማስረጃ ጋር ማጋለጥ ቫይረሱን ለመከላከል የምናደርገውን ጥረት ያግዛል እላለሁ።

(በዮሀንስ መኮንን)

ለፈጣን መረጃ የቴሌግራም ቻናላችንን ይቀላቀሉ https://t.me/BranaNews

LEAVE A REPLY

Please enter your comment!
Please enter your name here