Press "Enter" to skip to content

በሀዋሳ ከተማ በኮሮና ቫይረስ ተጠርጥረው በለይቶ ማቆያ ውስጥ የነበሩ 30 ሰዎች ከቫይረሱ ነፃ መሆናቸውን የክልል ጤና ቢሮ አስታወቀ።

Last updated on March 26, 2020

በቢሮው የጤናና ጤና ነክ ድንገተኛ አደጋዎች ቅኝትና ምላሽ ዋና የስራ ሂደት ባለቤት አቶ እንዳሻው ሽብሩ ለዶቼ ቨለ ( DW ) እንዳስታወቁት ግለሰቦቹ ከቫይረስ ነጻ መሆናቸው የተረጋገጠው በሀዋሳ ኢንዱስትሪ ፓርክ የለይቶ ማቆያ ማዕከል ውስጥ ላለፉት አስራ አራት ቀናት ቆይታ ካደረጉ በኃላ ነው።

ወደ ስራቸው የተመለሱት እነኝሁ ግለሰቦች በሀዋሳ ኢንዱስትሪ ፓርክ በማገልገል ላይ የሚገኙ የቻይና፣ የህንድና የስሪላንካ ሃገራት ዜጎች መሆናቸውን ዋና የስራ ሂደት ባለቤቱ ገልጸዋል።

በአሁኑ ወቅትም በክልሉ ሰፋፊ ፐሮጀክቶች በሚገኙባቸው አካባቢዎች መረጃውን በመለዋወጥ የክትትል ስራዎች በመከናወን ላይ እንደሚገኙ የጠቀሱት አቶ እንዳሻው እስከ አሁንም የበሽታው ምልክት በክልሉ አለመታየቱን አረጋግጠዋል።

የመከላከሉን ስራ ውጤታማ ለማድረግ በክልሉ በሁሉም ዞኖች የለይቶ ማቆያ ስፍራዎች እንዲዘጋጁ መደረጉንና በበሽታው ምልክቶችና በመተላለፊያ መንገዶች ዙሪያ የግንዛቤ ማስጨበጫ ትምህርት በመሰጠት ላይ እንደሚገኝ መናገራቸው ተዘግቧል።

የቴሌግራም ቻናላችንን ይቀላቀሉ https://t.me/BranaNews

Be First to Comment

Leave a Reply

Your email address will not be published. Required fields are marked *