Press "Enter" to skip to content

ኢራን የኮሮና ቫይረስ ስርጭትን በመስጋት 85 ሺህ እስረኞችን ለቀቀች፡፡

የኢራን ፍርድ ቤት ቃል አቀባይ እንዳስታወቁት የኮሮና ቫይረስ ስርጭትን ለመከላከል የሚደረገው ጥረት አካል ተደርጎ 85 ሺህ አካባቢ እስረኞች በጊዜያዊነት ተለቅቀዋል፡፡

እንደ ቃል አቀባዩ ገለጻ ከተፈቱት ግማሾቹ ከፀጥታ ችግር ጋር በተያያዘ የታሠሩ ነበሩ፤ የፖለቲካ እስረኞቹም ከተፈቱት ውስጥ አሉበት፡፡

ከእስረኞቹ መፈታት በተጨማሪ በእስር ቤቶቹ ጠንካራ የክትትልና ቁጥጥር ሥራ መኖሩንም ቃል አቀባዩ አስታውቀዋል፡፡ የተባበሩት መንግሥታት ልዩ ልዑክ ከሳምንት በፊት ቴህራን ለጊዜው እስረኞችን በመልቀቅ እስር ቤቶችን እንድትዘጋ ጠይቀው ነበር፤ ምክንያታቸው ደግሞ በእስር ቤቶቹ ከፍተኛ የሰው መጨናነቅ መኖሩ ለበሽታው አጋላጭ በመሆኑ እንደሆነ ጠቅሰው ነበር፡፡ ምንጭ፡- ስካይ ኒውስ

ኢራን ከሳምንት በፊትም 70 ሺህ እስረኞች እንዲለቀቁ መወሰኗን አልጀዚራን ጠቅሰን ዘግበን እንደነበር ይታወሳል፡፡

የኮሮና ቫይረስ ስርጭት በኢራን እጅግ አሳሳቢ ሆኗል፤ እስከ ትናንት ብቻ ከ850 በላይ ሰዎችን በኢራን ለኅልፈት ዳርጓል፤ ከ14 ሺህ የሚበልጡትም በቫይረሱ መያዛቸው ተረጋግጧል፡፡

በአብርሃም በዕውቀት

Be First to Comment

Leave a Reply

Your email address will not be published. Required fields are marked *