Press "Enter" to skip to content

ህገ- ወጥ የጦር መሣሪያዎችን እና ሀሰተኛ የብር ኖቶችን በቁጥጥር ስር መዋሉን የአዲስ አበባ ፖሊስ ኮሚሽን አስታወቀ

በበአላት መዳረሻ ወቅት የሚፈፀሙ ወንጀሎችንና ህገ – ወጥ ድርጊቶችን ለመከላከል ባከናወነው ኦፕሬሽን ህገ- ወጥ የጦር መሣሪያዎችን እና ሀሰተኛ የብር ኖቶችን ጨምሮ በርካታ የወንጀል ፍሬዎችን በቁጥጥር ስር መዋሉን የአዲስ አበባ ፖሊስ ኮሚሽን አስታወቀ፡፡ ፖሊስ ኮሚሽኑ ከሌሎች የፀጥታ አካላት፣ ከክ/ከተማ አስተዳደርና ከህብረተሰቡ ጋር በመቀናጀት ባከናወነው ኦፕሬሽን የወንጀል ፍሬዎችን ከነተጠርጣዎቹ በቁጥጥር ስር አውሎ ምርመራ እያጣራ ይገኛል፡፡

የወንጀልና ትራፊክ አደጋ ምርመራ ዘርፍ ም/ኮሚሽነር ሐሰን ነጋሽ እንዳስታወቁት ከህገ-ወጥ የጦር መሣሪያ ዝውውር ጋር በተያያዘ 11 ሽጉጦች ከ1600 በላይ መሰል የሽጉጥ ጥይቶች እንዲሁም ሀሰተኛ የብር ኖቶች ከማተሚያ ማሽን ጋር በቁጥጥር ስር ውሏል፡፡

ቅዳሜ ታህሣስ 25/2012 ዓ.ም ከጧቱ 2፡30 አካባቢ በቦሌ ክ/ከተማ ወረዳ 5 ልዩ ቦታው ኒያላ ሞተርስ ጀርባ ወንጀል የፈፀሙ 6 አባላት ያሉት አንድ የዘረፋ ቡድን በህብረተሰቡ ትብብር በሰዓታት ልዩነት ተጠርጣሪዎቹን ፖሊስ በቁጥጥር ስር አውሏል፡፡

በተጨማሪም በአዲስ ከተማ ክ/ከተማ መርካቶ ሸክላ ተራ ተብሎ በሚጠራው ቦታ ከበርበሬ ጋር ባዕድ ነገር ቀላቅለው ለመሸጥ ሲንቀሳቀሱ የተገኙ 6 ተጠርጣሪዎች ከነ-ኤግዚቢቱ ሊያዙ መቻላቸውን ም/ኮሚሽነር ሐሰን ነጋሽ ተናግረዋል፡፡

ከዚህም በተጨማሪ ከተለያዩ ተሽከርካሪዎች ላይ 8 ተጠርጣሪዎች ከሰረቁት 331 ስፖኪዮ፤ የዝናብ መጥረጊያ እና ሌሎች የተሽከርካሪ አካላት፣ ተንቀሳቃሽ ስልኮች ፣ላፕቶፕ ኮምፒውተር ፣ ቴሌቪዥን ፣ የቤት እና የግንባታ ዕቃዎች እንዲሁም ግራሙ ያልታወቀ አደዛዠ እፅ በተደረገው ኦፕሬሽን በቁጥጥር ስር ከዋሉ የወንጀል ፍሬዎች መካከል ይገኙበታል ብለዋል ም/ኮሚሽነር ሐሰን ነጋሽ ፡፡

በአጠቃላይ ሰሞኑን በተደረገው ኦፕሬሽን 276 ተጠርጣሪዎች በጥናት ተይዘው በቁጥጥር ስር የዋሉት ሲሆን ተከሳሾችን በተመለከተ ምርመራው መቀጠሉን ም/ኮሚሽነር ሐሰን ነጋሽ ተናግረው የ2012 ዓመተ ምህረት የገና በአል በሠላም እንዲጠናቀቅ ህብረተሰቡ ተገቢውን ጥንቃቄ እንዲያደርግ አሳስበው ለመላው የክርስትና እምነት ተከታዮች መልካም በዓል እንዲሆንላቸው በኮሚሽኑ ስም ምኞታቸውን ገልፀዋል፡፡

Be First to Comment

Leave a Reply

Your email address will not be published. Required fields are marked *