Sun. Feb 23rd, 2020

Yeahun

Ethiopian News

የአማራ ክልል የሥራ ኃላፊዎች በክልሉ ኢንቨስትመንት እና በወቅታዊ ጉዳዮች ላይ ለመምከር ሲያትል ገቡ፡፡

በአቶ ዮሐንስ ቧያለው የተመራው የአማራ ክልል የሥራ ኃላፊዎች ልዑክ ሲያትል ታኮማ ዓለም አቀፍ አውሮፕላን ማረፊያ ሲደርስ አቀባበል ተደርጎለታል፡፡ በሲያትል ከአማራ ምሁራን ባለሀብቶች ሲቪክ ማኅበራት እና ልዩ ልዩ የኅብረተሰብ ክፍሎች ጋር ለሚካሄደው ዝግጅት የኮሚቴ አባላት ናቸው ለሥራ ኃላፊዎቹ አቀባበል ያደረጉላቸው።

በቆይታቸውም በክልሉ ኢንቨስትመንት በአማራ ልማት ማኅበር ድጋፍ በወቅታዊ የክልሉ እና የሀገሪቱ ጉዳዮች ላይ ይመክራሉ፡፡ ሕዝባዊ ምክክሩም ከሁለት ቀናት በኋላ ይካሄዳል። ከዚህ ውይይት አስቀድሞ ነገ ጠዋት ከአማራ ተወላጅ ባለሀብቶች

ምሁራን ታዋቂ ግለሰቦች እና የማኅበረሰብ አንቂዎች ጋር በየዘርፉ ይወያያሉ። የሥራ ኃላፊዎቹ በዋሽንግተን ዲሲ እና አካባቢው፣ በአትላንታ፣ ኮሎምበስ፣ በዴንቨር፣ በሚኒሶታ እና በሳንሆዜ ከሰሞኑ መወያዬታቸው ይታወሳል።

0Shares