Sun. Feb 23rd, 2020

Yeahun

Ethiopian News

‹‹በመጪዉ ጊዜ የአንዳችን ደስታ የሌላችንም ደስታ፤ የአንዳችን ሐዘንና መጎዳት የሌላችን መጎዳት እንደሆነ እናሳያለን፡፡›› የአማራ ክልል የመንግሥት ኮሙኒኬሽን ጉዳዮች ጽሕፈት ቤት

አብመድ – የጠቅላይ ሚኒስትር አቢይ አህመድ ዶክተር የኖቤል ሽልማትን በክልሉ ሠላምና ልማት ለመድገም እንዲቻል በባሕር ዳር ምክክር እየተደረገ ነው፡፡

በምክክር መድረኩ ላይ የአማራ ክልል መንግሥት ኮሙዩኒኬሽን ጉዳዮች ጽሕፈት ቤት ዋና ዳይሬክተር ጌትነት ይርሳዉ በደምና በአጥንት የተሳሰሩ የኢትዮጵያና የኤርትራ ሕዝቦችን ወደ ሠላም በማምጣት በኩል ጠቅላይ ሚኒስትር ዐብይ የላቀ ሚና ተጫዉተዋል ብለዋል።

የኖቤል ሠላም ሽልማቱ የጠቅላይ ሚኒስትር ዐብይ አህመድ ብቻ ሳይሆን ለመላዉ የኢትዮጵያ ሕዝብ የተሰጠ ሽልማት መሆኑንም ተናግረዋል። በቀጣይ የአማራና ሌላዉ የሀገሪቱ ሕዝብ የሚያነሳቸዉን ጥያቄዎች ለመፍታት ከጠቅላይ ሚኒስትሩ ጎን በመሆን እንደሚታገሉም ነው አቶ ጌትነት የገለጹት።

በመጪዉ ጊዜ የአንዳችን ደስታ የሌላችንም ደስታ የአንዳችን ሐዘንና መጎዳት የሌላችን መጎዳት እንደሆነ እናሳያለን ያሉት ዳይሬክተሩ በአብሮነት መታገልና መተጋገዝ የሚጠይቅ ወቅት እንደሆነም አመልክተዋል።

እንደ አማራ ሕዝብ አንድ ሆኖ መቆም ይጠበቃል፤ የታላላቅ አባቶች ልጆች መሆናችንን የምናስመሰክርበት ጊዜ ላይ እንገኛለን ዘር ሳይቆጥሩ ለሀገር የሞቱ ጀግኖች ልጆች ነን ሲሉ በጋራ መቆም እንደሚገባ ዳይሬክተሩ መልዕክት አስተላልፈዋል።

0Shares