SHARE

ብፁዕ ወቅዱስ አቡነ ማቲያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወጨጌ ዘመንበረ ተክለሃይማኖት የኢትዮጵያውያን የጋራ ሀብት የሆነውን ሰላም እና አንድነት መጠበቅ ይገባል አሉ።

ብፁዕነታቸው ይህንን መልእክት ያስተላለፉት በአዲስ አበባ መስቀል አደባባይ እየተካሄደ በሚገኘው የደመራ ስነ ስረዓት ላይ ነው፡፡ በንግግራቸውም በኢትዮጵያ ኦርቶዶክስ ተዋህዶ ቤተ ክርስቲያን ላይ የሚደርሰው ግፍና በደል ሊቆም እንደሚገባ አሳስበዋል፡፡

አበው መስቀሉን ያከብሩታል እንጅ አይዳፈሩትም፤ ይሰግዱለታል እንጅ አያቃልሉትም ያሉት ብጹዕ ወቅዱስ አቡነ ማቲያስ፥ አበው ኢትዮጵያውያን መተባበርን፣ አንድነት እና ፍቅርን ለትውልዱ ማስተላላፋቸውን አስታውሰዋል፡፡

ከፍተኛ የስራ ሃላፊዎች፣ ምሁራን እና የማህበረሰብ አዋቂዎች ከመዘላለፍ በመተባበር ከመጠላላፍ በመደጋገፍ ላይ ትኩረት በማድረግ የሀገር አንድነትን፣ ሰላምን እና ፍቅርን ማስቀጠል እንደሚገባቸው ጥሪያቸውን አስተላልፈዋል፡፡

በደመራ ስነ ስርዓቱ ላይ የኢፌዴሪ ባህልና ቱሪዝም ሚኒስትር ዶክተር ሂሩት ካሳው፣ ሌሎች ከፍተኛ የመንግስት የስራ ሃፊዎች፣ የውጭ ሀገራት አምባሳደሮች እና ዲፕሎማቶች የተለያዩ ሀገራት የኦርቶዶክስ ተዋህዶ ቤተ ክርስቲያን ተወካዮች እና ጎብኚዎች ተገኝተዋል፡፡

LEAVE A REPLY

Please enter your comment!
Please enter your name here