በግብፅ ፕሬዚዳንት አል ሲ ሲ ከስልጣን እንዲወርዱ የሚጠይቅ ሰላማዊ ሰለፍ ተካሄደ

በግብፅ ከጁምዓ ፀሎት በኋላ ፕሬዚዳንት አል ሲ ሲ ከስልጣን እንዲወርዱ የሚጠይቅ ሰላማዊ ሰለፍ እየተካሄደ ነው፡፡ ይህንንም ተከትሎም ዋና ከተማዋ ካይሮን ጨምሮ በተለያዩ የሀገሪቱ አካባቢዎች ከፍተኛ ውጥረት መፈጠሩ ነው እየተነገረ የሚገኘው፡፡

ከዕለተ አርብ ፀሎት በኋሏ ዋራቅ በሚባል አካባቢ ፕሬዚዳንት አል ሲ ሲ ከስልጣን እንዲለቁ የሚጠይቅ መልዕክት እያሳሙ መሆኑን አልጀዚራ ዘግቧል፡፡ ተቃዋሚዎቹ በሀገሪቱ ያለው የኑሮ መመሰቃቀል እና የሙስና መስፋፋት እንዲቆም መጠየቃቸው ተሰምቷል፡

የጁምዓ ተቃውሞ በደቡብ ግብፅ በምትገኘው ሉክሰር እና በቁስ አካባቢዎች መቀስቀሱም ተጠቁሟል፡፡ በዋና ከተማዋ ካይሮ ደግሞ የ2011 የተቃውሞ እምብርት የነበረውን የታሂር አደባባይ መግቢያ የፀጥታ አካላት እንደዘጉት ተነግሯል፡፡

ፕሬዚዳንት አል ሲ ሲ በአስተዳደራቸው ላይ የተነሳው ተቃውሞ ተገቢ እንዳልሆነ በመግለፅ ለተቃውሞ ምንም ምክንያት የለም ያሉ ሲሆን የፀጥታ አካላት በዋና ከተማዋ የፀጥታ ቁጥጥሩን እንዲያጠናከሩ ማዘዛቸው የሚታወስ ነው፡፡

Staff Writer

See author's posts