SHARE

እንደው አንድ የከነከነኝ ነገር አለ። እኔ እገሌ ለዚህ አልጮኸም።  እገሊት ከኛ ጋር አልተሰለፈችም ብሎ መውቀስ አይመቸኝም ። አሁን ግን በጣም የከነከነኝ ነገር አለ።

ሙስሊም ወገኖቼ ያኔ ድምፃችን ይሰማ ሲሉ ከነሱ እኩል እጮህ ነበር። የድምፃችን ይሰማ ትግል ከመደገፌ የተነሳ ሙስሊም መስያቸው በውስጥ ብዙ ነገሮችን የሚልኩልኝ ሁሉ ነበሩ።

የታሰረውን የሙስሊም መፍትሄ አፈላላጊ ኮሚቴ አንስቼ ፍትህ ስል ቆይቻለሁ። ከተፈቱም በኋላ ባገኘሁት አጋጣሚ አነሳቸዋለሁ። ዛሬ የኔ የሆነችው ኦርቶዶክስ ተዋህዶ ስትደፈር አይዞሽ ያሉኝ ሙስሊም ወገኖች ሁለት ናቸው።

ምነው ሌሎቻችሁስ? በደል ስናይ ፍትህ ለመጠየቅ የግድ የዛ ሀይማኖት ተከታይ መሆን የለብንም ብዬ አምናለሁ። ለዚህም ነው ድምፃችን ይሰማን ከጅምር እስከ መጨረሻው የምደግፈው።

ጭቁኑን የሚበዘብዙ እነ እስራኤል እና እዩ ጩፋን ምቃወመው። መልካም የሚያስተምሩ እነ ዶ/ር ማመሸትን ማዳምጠው ። ሃይማኖቴ ኦርቶዶክስ ተዋህዶ ቢሆንም የሁሉንም ሃይማኖት ሆነ እምነት አከብራለሁ።

የኔ እንዲነካብኝ እንደማልፈቅድ ሁሉ የሌላውን አልነካም። አጭበርባሪ ሌቦችን ግን ከየትኛውም ሃይማኖት ይሁኑ አጥብቄ እቃወማለሁ። እና ሙስሊም ወገኖቼ የናንተን ድጋፍ ባለማየቴ ከንክኖኛል። ይሁን ብዬ ላልፈው ብሞክርም ውስጤ እየተንገዋለለ ስላስቸገረኝ ይዤ መቀጠል አልፈለኩም እና እነሆ ተነፈስኩት ። እናስ ድምጻችን ይሰማዎች ለቤተክርስትያን ድምጻችሁ ጠፋሳ?! ኧረ ወዴት ናችሁ ።

LEAVE A REPLY

Please enter your comment!
Please enter your name here