Press "Enter" to skip to content

60 ኢትዮጵያዊያን ተማሪዎች የአውሮፓ ኅብረት ነጻ የትምህርት ዕድል አገኙ

የአውሮፓ ኅብረት ለ60 ኢትዮጵያዊያን ተማሪዎች የኢራስመስ ሙንደስ ነጻ የትምህርት ዕድል ሰጠ።

በኢትዮጵያ የአውሮፓ ኅብረት ልዑክ ዕድሉን ካገኙ ጥቂት ተማሪዎች ጋር በመሆን ትናንትየመሸኛ መርኃ-ግብር በቅጥር ግቢው አዘጋጅቷል።

ተማሪዎቹ ለመጪዎቹ ሁለት ዓመታት በተለያዩ 12 የአውሮፓ ኅብረት አገራት በመዘዋወር ሁለተኛ ዲግሪያቸውን በተለያዩ የትምህርት መስኮች ይከታተላሉ።

በሁለት ዓመታት ጊዜ ውስጥ ተመራቂዎቹ ቢያንስ ሁለትና ሦስት አገራት በመዘዋወር የሁለተኛ ዲግሪ ትምህርታቸውን እንደሚከታተሉ ነው የተገለጸው።

የአውሮፓ ኅብረት በኢራስመስ ሙንደስ በሚያቀርበው ነጻ የትምህርት ዕድል ኢትዮጵያዊያን ተማሪዎች በማመልከትና ዕድሉን በማግኘት ንቁ ተሳታፊ ናቸው።

ለአብነትም ኢትዮጵያዊያን ተማሪዎች ባለፉት 15 ዓመታት በማመልከትም ዕድሉንም በመጠቀም ኢትዮጵያ ከአፍሪካ አንደኛ ከዓለም ደግሞ ከቀዳሚዎቹ አምስት አገራት አንዷ ነች።

የአውሮፓ ልዑክ ምክትል መሪ ሉካ ዛምፔቲ በዚሁ ጊዜ እንደተናገሩት፤ የትምህርት ዕድሉ አገሪቱ ለምታካሂደው የሁለተኛ ደረጃ ትምህርት ዕድገት አስተዋጽኦ አለው።

በዩኒቨርሲቲ ቆይታቸውም ዕውቀታቸውንና ክህሎታቸውን እንዲያጎለብቱ በማድረግ አገራቸውን እንዲሁም የአውሮፓ ኅብረትን በእጅጉ ይጠቅማል ብለዋል።

“ጎን ለጎንም የአውሮፓን ባህል፣ የኑሮ ዘይቤ፣ የአውሮፓ አገራት ቋንቋና ሌሎች ማኅበራዊ ጉዳዮችን እንዲያውቁ በማድረግ የህይወት ክህሎታቸውን ያሳድጋሉ” ነው ያሉት።

እንደ ኢዜአ ዘገባ ይህም በኢትዮጵያና በአውሮፓ አገራት መካከል ያለውን መግባባት፣ መቀራረብ እንዲሁም አዎንታዊ የባህል መወራረስ ያበለጽጋል ብለዋል።

ተማሪዎቹ ባገኙት የትምህርት ዕድል ዕውቀትና ክህሎታቸውን በማሳደግ ለአገራቸውም በተማሩበት መስክ ለማበርከት ቀናዒ መሆናቸውን ገልጸዋል።

በአውሮፓ ኅብረት ‘ኢራስመስ ሙንደስ’ ነጻ የትምህርት ዕድል ባለፉት 10 ዓመታት 425 ኢትዮጵያዊያን ተማሪዎች ተጠቃሚ ሆነዋል።

ኢራስመስ ሙንደስ ነጻ የትምህርት ዕድል በየዓመቱ በሁለተኛና በሶስተኛ ዲግሪ የትምህርት ደረጃ ከአንድ ሺህ በላይ ተማሪዎችን በዓለም አቀፍ ደረጃ ተጠቃሚ ያደርጋል።

Be First to Comment

Leave a Reply

Your email address will not be published. Required fields are marked *